काठमाडौं । नेपाल प्रहरीका ४ सय २२ जना सहायक लेखापालहरुको काज सरुवा भएको छ । १० वर्ष पुगेकालाई हटाइएको र बाँकी रहेकाहरुको सरुवा गरिएको प्रहरी प्रधान कार्यालयले जनाएको छ ।
लामो समयदेखि एकै ठाउँमा रहेर सरुवा नभएकाहरुलाई हटाइएको र अर्को व्यक्तिलाई पठाइने गरी काज सरुवा गरेको प्रहरी प्रधान कार्यालयका एकजना सिनियर प्रहरी अधिकृतले बताए ।
सहायक लेखापालको हकमा आर्थिक प्रशासनसम्बन्धित तालिम गरेका प्रहरी कर्मचारीले मात्र यसको जिम्मा पाउनेलगायतको मापदण्ड छ । जुन मापदण्डअनुसार नै सरुवा गरिएको ती अधिकृतको दाबी छ ।
