जाजरकोटमा गएको भूकम्पमा परी प्रभावित भएकाहरूलाई राहत जुट्ने क्रम जारी छ । राजनीतिक दल, व्यवसायी, प्रवासी नेपालीहरूले पनि घोषणा बमोजिम रकम प्रधानमन्त्री दैवी प्रकोप उद्धार कोषलाई हस्तान्तरण गरिरहेका छन् ।
यसैक्रममा आज क्रोएसियामा रहेका युवाहरुले एक लाख पन्ध्रहजार संकलन् गरेका छन् । कबिराज रावत, अनिल बस्नेत लगायत युवाहरुको सहजीकरणमा जाजरकोट रामिडाँडा केन्द्रबिन्दु भएर गएको भुकम्पमा बिस्थापित जाजरकोटीका लागि रु १,१५,२२९ (एक लाख पन्ध्र हजार दुई सय उन्तीस) सहयोग बापतको प्राप्त भएको भुकम्प पिडित अटल आचार्यले बताए ।
उनका अनुसार सरकारले घोषणा गरेको एकद्वार प्रणाली अन्तर्गत रहेर उक्त रकम सम्बन्धित निकायमा हस्तान्तरण गरिने छ ।
