राष्ट्रिय खेलकुद परिषद (राखेप) का बोर्ड सदस्य जनक बर्तौलामाथि लुकेर सांघातिक आक्रमण गर्ने ३ जना पक्राउ परेका छन्।
नेपाल उसु महासंघको केन्द्रिय अध्यक्ष तथा अखिल नेपाल खेलकुद महासंघका उपाध्यक्ष समेत रहेका बर्तौलामाथि बानेश्वरमा आक्रमण गर्ने सेरु थारु चौधरी सहित ३ जनालाई काठमाण्डौ परिसरको टोलिले झापा प्रहरीको सहयोगमा झापाबाट पक्राउ गरेको हो ।
नेकपा (माओवादी केन्द्र) का प्रदेश समिति सदस्य समेत रहेका बर्तौलामाथि पार्टी भित्रैबाट आक्रमण गरेको निकट स्रोतले जानकारी दियो । राजधानीको मुटु त्यसमाथि संसद भवन भएकै स्थानमा यो प्रकारको आपराधिक आक्रमण हुनुले प्रहरीको सुरक्षा व्यवस्थामाथि नै प्रश्न उब्जिएको छ ।
