अमेरिका र चीन लामो समय अवरुद्ध उच्चस्तरीय सैन्य सम्वाद पुनः सुरु गर्न सहमत भएका छन् । राष्ट्रपति जो बाइडेन र सी चिनफिङको विशेष भेटवार्तामा सहकार्यका लागि सम्बन्ध सुधारको पक्षमा खास प्रगति भएको दुबै पक्षको दाबी छ ।
अमेरिकाको सनफ्रान्सिस्को नजिक भएको भेटवार्ता महिनौदेखिको द्वन्द्व कमगर्न सफल भएको ह्वाइटहाउसका अधिकारीहरुको भनाइ छ ।
भेटवार्तामा इजरायल युक्रेन द्वन्द्व, जलवायु परिवर्तन, लागू औषध ओसारपसार नियन्त्रणजस्ता विषयमा पनि सहकार्य गर्न दुबै देश सहमत भएको बताइएको छ ।
विभिन्न अन्तर्राष्ट्रिय मामिलामा फरक अडान राख्दै आएका अमेरिका र चीनका राष्ट्रपतिबीचको घण्टौ लामो प्रत्यक्ष सम्वादले विश्व राजनीति तरङ्गित भएको छ ।
