व्यवसायी दुर्गा प्रसाईं नेतृत्वमा सोमबार गौशालामा प्रदर्शन भएको छ । प्रसाईं नेतृत्वको समूहले सडक अवरुद्ध पार्न खोजेपछि प्रहरीसँग झडप भएको थियो । प्रसाईं समर्थकले प्रहरीमाथि ढुंगामुढा गरेका थिए भने प्रहरीले बल प्रयोग गरेको थियो ।
प्रसाईंको नेतृत्वमा भएको प्रदर्शनमा हिन्दूवादीहरुको समेत उपस्थिति रहेको थियो । आफूलाई धर्मगुरु बताउने आचार्य श्रीनिवासले उक्त प्रदर्शनमा उग्रअभिव्यक्ति दिँदै सडक अवरुद्ध गर्न खोजेपछि प्रहरीले उनलाई पक्राउ गरेको थियो ।
प्रसाईंले ७ मंसिरमा बल्खुमा शक्ति प्रदर्शन गरेका थिए । त्यसक्रममा उनको कार्यक्रममा धर्मगुरु र राजावादी समूहसमेत सहभागि भएका थिए । त्यसपछि सिथिल बनेको प्रसाईंको आन्दोलन आज उग्र देखिएको हो । प्रसाईंका समर्थकले सार्वजनिक यातायातमा ढुंगा प्रहार गर्न थालेका छन् ।
