बुधबार, फाल्गुन ९, २०८०
  • गृहपृष्‍ठ
  • राजनिति
  • ज्ञानेन्द्रलाई ओलीले भने : हामी फेरि रैती हुन सक्दैनौ, नामको अगाडी श्री ५ लेखेर तमासा गर्ने ?

ज्ञानेन्द्रलाई ओलीले भने : हामी फेरि रैती हुन सक्दैनौ, नामको अगाडी श्री ५ लेखेर तमासा गर्ने ?


कान्तिपथ


नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले जनतामा अन्योल र निराशा पैदा हुँदा विदेश पलायन हुँदै गएको अवस्थामा प्रतिक्रियावादी शक्तिहरू सल्बलाउन थालेको बताएका छन्।

बिहीबार बैतडीको गोठलापानीमा आयोजित महाकाली-मेची अभियानअन्तर्गतको सभालाई सम्बोधन गर्दै अध्यक्ष ओलीले राजाको शालिक बनाएर श्री ५ महाराजाधिराज लेखी असंवैधानिक काम भइरहेको बताएका छन्। अध्यक्ष ओलीले गणतन्त्रको विरोध गर्ने दुस्साहसी काम भइरहेको बताए।

अब नेपाली जनता पछाडि फर्किन नसक्ने भन्दै कोही धनी र कोही गरिब हुन जन्मिने कुरा स्वीकार्य नहुने ओलीले बताए।

‘जनतामा अन्योल र निराशा बढ्दै गएको हुनाले जनता विदेशतिर पलायन हुँदै गएको हुनाले अहिले प्रतिक्रियावादी प्रतिगामी शक्तिहरू मौका आउँछ कि भनेर दुलाबाट टाउको निकालेर फेरि सल्बलाउन खोजेका छन्। अहिले हामी देखिरहेका छौँ, कहीँ उहिले राजतन्त्र थियो, त्यो राजतन्त्रको अहिले शालिक बनाएर, श्री ५ महाराजाधिराज भनेर लेखेर तमासा गर्ने असंवैधानिक काम अहिले भइरहेको छ, अध्यक्ष ओलीले भने, ‘गणतन्त्रको विरोध गर्ने, दुःसाहसी काम भइरहेको छ। लोकतन्त्रको विरोध गर्ने दुस्साहसी काम भइरहेको छ। तसर्थ हामी पछाडि फर्किन सक्दैनौँ, फेरि हामी रैती हुन सक्दैनौँ। फेरि हामी दास हुन सक्दैनौँ। फेरि हामी छुवाछुत र अनेक प्रकारतिर फर्किन सक्दैनौँ। फेरि हामी जन्मिँदै कोही राजा हुन जन्मिन्छ, कोही दास, कोही धनी र कोही गरिब हुन जन्मिन्छ भनेर मान्दैनौँ। अब गरिबी अन्त्य गर्नैपर्छ। अभाव, भोकमरी समाप्त गर्नैपर्छ।’

अध्यक्ष ओलीले गरिबी, अभाव, भोकमरीको अन्त्य गर्नुपर्ने र त्यो काम सरकारको भएको बताए।



सूचना विभाग दर्ता नं. २७०८/०७७-७८

प्रबन्ध निर्देशक:

देवराज चौलागाई

सम्पादक:

जेविन सर्वहारा

लेखा:

विष्णु फुँयाल

आईटी:

प्रज्वल चौलागाईं

कान्तिपथ मिडिया प्रा. लि.


सम्पर्क

०१-५१४९१६०
इमेल: news.kantipath@gmail.com
ठेगाना: का.म.न.पा-३२, काठमाडौँ
© कान्तिपथ मिडिया प्रा. लि. सर्वाधिकार सुरक्षितत