काठमाडाैं । पाकिस्तानी एक युवतीले नेपालको विमानस्थलबाट सुनको ओसार–पोसार गरेको आरोप लागेको छ।
एलिजा जामेली नामगरेकी ति युवती अहिले सामाजिक संजालमा चर्चित छन् ।
केही वर्ष पहिले टिकटकको माध्यमबाटै उनको भेट नेपाली केटाे आयुष सिंह ठकुरीसँग भयाे।
सामाजिक सञ्जालबाट जोडिए दुई जनाबीच माया प्रेम बस्यो ।
त्यसपछि एलिजा नेपाल आएर आयुषलाई भेट्न थालिन् । आयुष पनि एलिजालाई भेट्न दुबई जाने गर्थे ।
यतिबेला यो जोडी सुन तस्करी गरेको भन्दै विवादमा तानिएका छन् ।
गतसाता एलिजा-आयुषलाई भेट्न दुबईबाट नेपाल आइन् । आउँदा १० तोलाभन्दा बढी सुन पनि ल्याइन् ।
नेपालको कानुन अनुसार कसैले पनि विदेशबाट नेपाल आउँदा महिलाको हकमा ५० ग्राम र पुरुषको हकमा २५ ग्रामभन्दा बढी सुन ल्याउन पाईंदैन । तर एलिजाले ६ वटा सुनको बाला, एउटा ठूलो सिक्री र केही साना सिक्री गरी १० तोलाभन्दा बढी सुन भन्सार नतिरी ल्याइन् ।
एलिजाले सुन भित्र्याउन सफल भएकोमा आयुषका परिवारले खुशी मनाउँदै छन् ।
एलिजाले भन्छिन, ‘सुरुमा मलाई डर लागेको थियो, कसैले थाहा पाएन ।’
अहिले यसबारे एलिजा र आयुषका शुभचिन्तहरुले नै प्रेमको नाममा सुन तस्करी गरेको भन्दै चर्को आलोचना गरिरहेका छन् ।
