काठमाडौं । काठमाडौंकाे चन्द्रागिरी नगरपालिका-३ थानकोट खरिबोटबाट अवैध लागूऔषध गाँजा ६ ग्राम र नियन्त्रित लागूऔषध ट्रमाडोल ५८ क्याप्सुल सहित ३ जनालाई शनिबार दिउँसो प्रहरीले पक्राउ गरेको छ ।
पक्राउ पर्नेहरूमा सिन्धुली दुधैली नगरपालिका-९ घर भएका ३३ वर्षीय भोला ढकाल, काठमाडौं चन्द्रागिरी नगरपालिका-१ बस्ने २३ वर्षीय शितल बखती र सोही नगरपालिका-३ बस्ने २४ वर्षीय बुद्ध लो तामाङ रहेका छन् ।
साथै उनीहरूले प्रयोग गरेको प्र.३-०२-००२ प ९७३२ नम्बर र बा.८२ प ९१७० नम्बरको २ वटा मोटरसाइकल समेत प्रहरीले बरामद गरेको छ ।
यसैगरी झापाकाे दमक नगरपालिका-५ डेरा गरी बस्ने इलाम चुलाचुली गाउँपालिका-३ घर भएका २६ वर्षीय अगम राईलाई अवैध लागूऔषध ब्राउनसुगर जस्तो देखिने पदार्थ ५ ग्राम, नगद १५ हजार ८ सय ५० रूपैयाँ र मोबाइल १ थान सहित शनिबार दिउँसो प्रहरीले पक्राउ गरेको छ ।
इलाका प्रहरी कार्यालय दमकबाट खटिएको प्रहरीले उनको कोठा तलासी गर्दा उक्त पदार्थ फेला पारी पक्राउ गरेको हो ।
साथै थप सोधपुछको क्रममा उक्त लागूऔषध कमल गाउँपालिका-५ सतारडाडा बस्ने ३६ वर्षीय जीवन लिम्बुलाई बिक्री गर्न लागेको भन्ने खुल्न आएपछि लिम्बुलाई समेत प्रहरीले नियन्त्रणमा लिएको छ ।
यसैगरी झापाकाे भद्रपुर नगरपालिका-५ मेची पुलस्थित सडकबाट अवैध लागूऔषध ब्राउनसुगर जस्तो देखिने पदार्थ ५ सय ५० मिलिग्राम सहित इलाम चुलाचुली गाउँपालिका-३ पिडियो टोल बस्ने २८ वर्षीय विवेक राइलाई शनिबार दिउँसो प्रहरीले पक्राउ गरेको छ ।
मेची पुल बिटबाट खटिएको प्रहरीले भारतबाट नेपालतर्फ पैदल आउँदै गरेका उनलाई उक्त पदार्थ सहित पक्राउ गरेको हो ।
साथै, झापाकाे मेचिनगर नगरपालिका-६ पुरानो मेचीपुलस्थित सडकबाट अवैध लागूऔषध खैरो हेरोइन जस्तो देखिने पदार्थ १ ग्राम सहित मेचिनगर नगरपालिका-९ शान्तिटोल बस्ने २६ वर्षीय अजय धिमाललाई शनिबार राति प्रहरीले पक्राउ गरेको छ । लागूऔषध नियन्त्रण व्यूरो काँकरभिट्टा र इलाका प्रहरी कार्यालय काँकरभिट्टाबाट खटिएको संयुक्त टोलीले उनलाई उक्त पदार्थ सहित पक्राउ गरेको हो ।
फेरी झापाकाे बिर्तामोड नगरपालिका-५ डेरा गरी बस्ने अर्जुनधारा नगरपालिका-७ घर भएका ३२ वर्षीय बिजय मगरको डेरा कोठाबाट अवैध लागूऔषध ब्राउनसुगर जस्तो देखिने पदार्थ १ ग्राम ५ सय ४० मिलिग्राम सहित बिजय मगर समेत ४ जनालाई शनिबार राति प्रहरीले पक्राउ गरेको छ ।
इलाका प्रहरी कार्यालय अनारमनी र अस्थायी प्रहरी पोष्ट बसपार्कबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।
यसैगरी मोरङकाे लेटाङ नगरपालिका-९ पारूहाङ चोक बस्ने २७ वर्षीय विशाल राईलाई अवैध लागूऔषध ब्राउनसुगर जस्तो देखिने पदार्थ ८ सय ३० मिलिग्राम सहित शनिबार दिउँसो प्रहरीले पक्राउ गरेको छ ।
इलाका प्रहरी कार्यालय लेटाङबाट खटिएको प्रहरीले उनको घर तलासी गर्दा उक्त पदार्थ फेला पारी पक्राउ गरेको हो ।
यसैगरी मोरङकाे कानेपोखरी गाउँपालिका-२ स्थित रंगेली र कानेपोखरी सिमानाबाट अवैध लागूऔषध ब्राउनसुगर जस्तो देखिने पदार्थ ४ ग्राम ९५ मिलिग्राम सहित भारत अररीया घर भएका २१ वर्षीय मो. इसराख गमिरलाई शनिबार दिउँसो प्रहरीले पक्राउ गरेको छ ।
इलाका प्रहरी कार्यालय पथरीबाट खटिएको प्रहरीले रंगेलीबाट कानेपोखरीतर्फ आउँदै गरेको बिआर ३८ एबि ४१३५ नम्बरको मोटरसाइकलमा सवार उनलाई उक्त पदार्थ सहित पक्राउ गरेको हो ।
यसैगरी मोरङ, पथरी शनिश्चरे नगरपालिका-१० स्थित सडकबाट अवैध लागूऔषध ब्राउनसुगर जस्तो देखिने पदार्थ ७ ग्राम १७ मिलिग्राम सहित २ जनालाई शनिबार साँझ प्रहरीले पक्राउ गरेको छ । पक्राउ पर्नेहरूमा रंगेली नगरपालिका-७ बस्ने २४ वर्षीय अबय शाह र सुनबर्षी नगरपालिका-७ बस्ने १९ वर्षीय हयात अली रहेका छन् । इलाका प्रहरी कार्यालय पथरीबाट खटिएको प्रहरीले कुशेचौरीबाट पथरीतर्फ आउँदै गरेको बिआर ३८ डि ७८८९ नम्बरको मोटरसाइकलमा सवार उनीहरूलाई उक्त पदार्थ सहित पक्राउ गरेको हो ।
बाराकाे जितपुर सिमरा उपमहानगरपालिका-१ आधाभार जंगलस्थित सडक छेउबाट अवैध लागूऔषध गाँजा ८ किलो ५ सय ग्राम सहित बर्दीया मधुवन नगरपालिका-७ बस्ने २५ वर्षीया प्रियंका श्रेष्ठलाई आइतबार बिहान प्रहरीले पक्राउ गरेको छ ।
प्रहरी चौकी पथलैया बाराबाट खटिएको प्रहरीले उनलाई उक्त गाँजा सहित पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
