काठमाडाैं । राष्ट्रिय स्वतन्त्र पार्टी (रास्वपा) की सांसद सोविता गौतमले आफूमाथि सार्वजनिक स्थलमा अभद्र व्यवहार भएको बताएकी छिन् ।
आज प्रतिनिधिसभाको बैठकले उनले आफ्नै निर्वाचन क्षेत्रमा अभद्र व्यवहार भएको बताएकी हुन् ।
उनले हिजाे करिब साँझ ५ बजे आफ्नो निर्वाचन क्षेत्रअन्तर्गतको कागेश्वरी मनोहरा नगरपालिका– ६ स्थित मनकामना टोलमा अभद्र व्यवहार भएको जनाइन् ।
उनले भनिन्, ‘म फर्केर आउँदा त्यहाँ १५-२० जना साथीहरू जम्मा भइसक्नुभएको थियो र ती साथीहरू सामान्य अवस्थामा हुनुहुन्थेन । उहाँहरू कोही गाँजाको नसामा लठ्ठ हुनुहुन्थ्यो, कोही रक्सीले मात्तिएको हुनुहुन्थ्यो र कोही सामान्य अवस्थामा पनि हुनुहुन्थ्यो ।’
उनले उनीहरूमाथि तथानाम मुख छाडेको बताएकी छिन् । उनले आफूमाथि अभद्र व्यवहार गर्नेले त्यो भिडियो बनाएर सामाजिक सञ्जालमा पोस्ट गरेको समेत बताइन् ।
