काठमाडौँ । भारतीय विदेश सचिव विक्रम मिस्री दुई दिने नेपाल भ्रमणमा आउने भएका छन् ।
परराष्ट्र सचिव सेवा लम्सालको मैत्रीपूर्ण निमन्त्रणामा भारतका विदेश सचिव मिस्री आइतबार नेपाल आउन लागेको परराष्ट्र मन्त्रालयले जनाएको छ ।
भ्रमणको क्रममा उनले नेपालमा उच्चस्तरीय भेटघाटको साथै दुई देशका परराष्ट्र सचिवको बिचमा नेपाल–भारत सम्बन्धलाई थप सुदृढ गर्ने र पारस्परिक लाभकारी सहयोगलाई अगाडि बढाउने विषयमा छलफल हुने परराष्ट्र मन्त्रालयले विज्ञप्ति मार्फत जानकारी गराएको छ ।
