काठमाडौँ । भारतको विहारमा रहेको बाबा सिद्धेश्वर नाथको मन्दिरमा भागदौड मच्चिँदा ७ जनाको मृत्यु भएको छ । अरु ३५ जनाभन्दा धेरै घाइते भएका छन् ।
साउन महिनामा बाबा सिद्धेश्वरनाथको मन्दिरमा जलाभिषेक गर्न भक्तजनको भिड लाग्ने गर्दछ ।
श्रद्धालुको घुइँचोकोबीच गएराति भागदौड हुँदा घटना भएको भारतीय सञ्चार माध्यमले जनाएको छ ।
घाइतेहरुको स्थानीय दुई वटा अस्पतालमा उपचार भइरहेको छ । मृतकको सङ्ख्या अझै बढ्न सक्ने प्रहरीले जनाएको छ । प्रत्यक्षदर्शीहरुले भने प्रशासनको लापरबाहीका कारण घटना भएको जनाएका छन् ।
