काठमाडौ। भक्तपुरको गठ्ठाघरमा ट्रकले स्कुटरलाई ठक्कर दिदा एक महिलाको मृत्यु भएको छ ।
ट्राफिक प्रहरीले चेकिङ गरिरहेका बेला रोकिराखेको बा ४९ प ८९४४ नम्बरको स्कुटरलाई ना ६ ख २१७३ नम्बरको ट्रकले ठक्कर दिएपछि स्कुटरमा सवार महिलाको घटनास्थलमै मृत्यु भएको हो । ट्रकको ठक्करबाट स्कुटर केही मिटर परसम्म घिसारिएको थियो ।
दुर्घटनामा स्कुटरमा सवार महिलाको घटनास्थलमै मृत्यु भएको जिल्ला प्रहरी परिसर भक्तपुरका प्रमुख वेद विष्टले जानकारी दिए । उनका अनुसार ती महिलाको सनाखत अहिलेसम्म भएको छैन ।
दुर्घटनापछि आक्रोशित मानिसहरुको भिड जम्मा भई विरोध प्रदर्शन गरिरहेका छन् । अहिले सवारी आवागमन प्रभावित भएको छ ।
प्रहरी र प्रदर्शनकारीबीच ढुंगा हानाहान समेत भएको छ । अहिले गठ्ठाघरको अवस्था तनावग्रस्त अवस्थामा रहेको छ ।
