काठमाडाैं । पोखरामा स्कुल बस दुर्घटना हुँदा चालक घाइते भएका छन्।
शुक्रबार दिउँसो पोखरा महानगरपालिका–१७ घारीपाटन चोकस्थित हिमालयन आँखा अस्पतालको प्रवेशद्वारनजिकै न्यू मोडल सेकेन्डरी स्कुलको ग १ क ४६६१ नम्बरको विद्यार्थी बोकेको बस सडकबाट तीन मिटर तल खसेको हो।
दुर्घटनामा बस चालक स्याङजाको भीरकोट नगरपालिका–२ बयरघारी घर भई हाल कास्कीको पोखरा महानगरपालिका–९ कृष्णटोल बस्ने ५४ वर्षीय दलबहादुर गुरुङ घाइते भएको जिल्ला प्रहरी कार्यालय कास्कीका सूचना अधिकारी डिएसपी बसन्तकुमार शर्माले जानकारी दिए।
घाइते गुरुङको गण्डकी मेडिकल कलेजमा उपचार भइरहेको छ।
बसमा २० जना विद्यार्थी सवार थिए। ‘बसमा सवार सबै विद्यार्थी सकुशल छन्।
स्कुल बस गुडिरहेको तलपट्टिको सडकमा पार्किङ गरेको ट्याक्सी किचेको छ। ग १ ज २९३४ नम्बरको ट्याक्सीको अगाडि र पछाडि क्षति पुगेको छ।
ग १ ज २२४१ नम्बरको ट्याक्सीमा अगाडिको भाग र ग १ ज ४१८० नम्बरको ट्याक्सीको बम्पर र सिसा फुटेको छ।
