बाँके । नेपालगंज उपमहानगरपालिका-४ सेतु विक चोकबाट अवैध लागूऔषध ब्राउनसुगर जस्तो देखिने पदार्थ ८ ग्राम सहित सोही उपमहानगरपालिका-५ बस्ने ३९ वर्षीय सजाद अहमद सिद्धिकीलाई आइतबार दिउँसो प्रहरीले पक्राउ गरेको छ ।
जिल्ला प्रहरी कार्यालय बाँके र लागूऔषध नियन्त्रण ब्यूरो बाँकेबाट खटिएको प्रहरीले भे.११ प २७९१ नम्बरको स्कुटरलाई जाँच गर्दा स्कुटरको एयर फिल्टरमा लुकाई छिपाई राखेको उक्त पदार्थ फेला पारी चालक सिद्धिकीलाई पक्राउ गरेको हो ।
यस बिषयमा प्रहरीले अनुसन्धान गरिरहेको छ ।
