काठमाडौं । चाेरी गरेको आराेपमा प्रहरीले दुई जनालाई पक्राउ गरेको छ ।
पक्राउ पर्ने जिल्ला दोलखा भिमेश्वर नगरपालिका वडा नं. ७ बस्ने बर्ष २३ को अनिश बस्नेत र कालिञ्चोक गा.पा. वडा नं. ५ बस्ने बर्ष २१ को ब्रिजस खड्कालाई पक्राउ गरेको हाे ।
उनिहरुलाई मिति २०८१/०५/१६ गते दिउसो जिल्ला दोलखा भिमेश्वर नगरपालिका वडा नं. ७ साखिने स्थितमा रहेको खेम बहादुर लामाले सञ्चालन गरेको पसलबाट चुरोट, चाउचाउ, नगद र मोबाईल लगाएतका सामानहरु चोरी गरेको भन्ने सूचनाको आधारमा प्रहरी निरीक्षक सत्रुधन कुमार महतोको कमाण्डमा खटिएकाे टाेलीले पक्राउ गरेकाे बताएको छ ।
महतोका अनुसार पक्राउ परेका दुवै जनालाई प्रचलित कानून बमोजिम जिल्ला अदालत दाेलखाबाट ७ दिनको म्याद थप गरी अनुसन्धान भैरहेको बताए ।
