काठमाडाैं । एक दलित नाबालिकालाई मादक पदार्थ खुवाएर ३ जनाले सामूहिक बलात्कार गरेको घटना बाहिरिएको छ ।
उनीहरूले बालिकालाई कारमा लिएर सामूहिक बलात्कार गरी सडक छेउमा फालिदिएको मथुरा जिल्ला प्रहरीले जनाएको छ ।
प्रहरीका अनुसार बालिकाका बाबुको उजुरीका आधारमा आरोपितविरुद्ध किटानी जाहेरी दर्ता गरिएको र तीनै जनालाई पक्राउ गर्ने प्रयास भइरहेको छ । १३ वर्षीया बालिकालाई स्वास्थ्य परीक्षणका लागि जिल्ला महिला अस्पताल पठाइएको र त्यसपछि म्याजिस्ट्रेटसमक्ष बयान लिइने प्रहरी उपरीक्षक (ग्रामीण) त्रिगुण बिसेनले जानकारी दिए । घटनाका आरोपितहरू भने फरार छन् ।
बालिकाका बुबाले दिएको उजुरीलाई उद्धृत गर्दै एसपीले बिसेनले भने कि बिहीबार नाबालिग बालिका आफ्नो छिमेकको पसलमा बिहानको खाजा किन्न गएका बेला घटना भएको हो । पसलमा नीरज नामका एक व्यक्तिले उनलाई पानीको बोत्तल दिएका थिए, जसमा सेडेटिभ मिसाइएको थियो । पानी पिउने बित्तिकै बेहोस उनलाई युवाहरूले कारमा लगेका थिए ।
नीरज, उनका साथी शैलेन्द्र र अर्का एक साथीले उनलाई कारमा लगेर लगेको उजुरीमा उल्लेख छ । अर्धचेत अवस्थामा रहेको गुडिरहेको कारमा बालिकालाई बलात्कार गरी भाग्नुअघि बरसाना रोडको फ्लाईओभरमुनि फालिदिएका थिए । होश आएपछि बालिकाले घर पुगेर घटनाबारे अभिभावकलाई जानकारी गराएको उजुरीमा उल्लेख छ ।
