अमेरिकाका नवनिर्वाचित राष्ट्रपति डोनाल्ड ट्रम्पले रोबर्ट एफ केनेडी जुनियरलाई अमेरिकाको स्वास्थ्यमन्त्रीमा नियुक्त गरेका छन् ।
ट्रम्पले आफ्नो एक पोस्टमा यसको जानकारी दिएका हुन् । रोबर्ट एफ केनेडी जूनियरले पनि २०२४ को राष्ट्रपति चुनावमा आफ्नो स्वतन्त्र उम्मेदवारी प्रस्तुत गरेका थिए । तर पछि उनले ट्रम्पलाई आफ्नो समर्थन दिएका थिए । उनी कोभिडका लागि प्रयोग भइरहेको खोपको विरोधीको रूपमा पनि चिनिन्छन् ।
सिनेटले पनि केनेडीको नामलाई स्वास्थ्यमन्त्रीमा अनुमोदन गरेको छ । अमेरिकी स्वास्थ्य विभागले खाद्य र औषधि प्रशासन सहित ११ एजेन्सीहरूको निरीक्षण गर्दछ ।
रोबर्ट एफ केनेडी जूनियरले आफ्नो एक पूर्व पोस्टमा डोनाल्ड ट्रम्पलाई धन्यवाद दिए र आफ्नो कार्यकालमा अमेरिकालाई फेरि स्वस्थ बनाउने नारा दिएका छन् ।
