दैलेख । दुल्लु नगरपालिका-१३ खडिका धारा बस्ने ५६ वर्षीय कर्ण बहादुर कामीको हत्या गरेको अभियोगमा सोही ठाउँ बस्ने ४३ वर्षीय भुवन सिंह बिकलाई बुधबार साँझ प्रहरीले पक्राउ गरेको छ ।
भुवनले हँसिया प्रहार गर्दा कर्ण बहादुर गम्भीर घाइते भएको भन्ने खबर प्राप्त हुनासाथ अस्थायी प्रहरी पोष्ट बैंक विनायकबाट खटिएको प्रहरीले उनलाई पक्राउ गरेको हो ।
गम्भीर घाइते भएका कर्ण बहादुरको दुल्लु अस्पतालमा उपचारको क्रममा मृत्यु भएको हो ।
यस सम्बन्धमा प्रहरीले आवश्यक अनुसन्धान गरिरहेको छ । 
