इस्लामबाद, १८ मंसीर । पाकिस्तानको उत्तरपश्चिममा बिगत १० दिनमा साम्प्रदायिक हिंसामा कम्तिमा १३० जनाको मृत्यु भएको छ ।
पाकिस्तानी अधिकारीका अनुसार सो झडपमा परी कम्तिमा २ सय जना गम्भिर घाइते भएका छन् ।
गत नोभेम्बर २१ मा कुर्रम जिल्लामा हिंसा भड्कियो, जब बन्दुकधारीहरूले गाडीको काफिलेमा हमला गरेका थिए, जहाँ ५२ जना मारिएका थिए ।
मारिनेमा अधिकांश शिया मुस्लिम समुदायका रहेका छन । ‘आक्रमणको जिम्मेवारी कसैले लिएको छैन, जसले धेरै क्षेत्रमा प्रतिद्वन्द्वी समूहहरूद्वारा जवाफी फायरिङ र आगजनी गरेको थियो,’ एक सरकारी अधिकारीले भने ।
पछिल्लो २४ घण्टामा मात्रै झडपमा १४ जनाको मृत्यु भएको छ भने २७ जना घाइते भएका छन् । सरकारी अधिकारीहरूले नोभेम्बर २४ मा सात दिने
युद्धविरामको मध्यस्थता गरे पनि त्यो कार्यान्वयनमा आउन सकेको छैन् ।
शिया मुस्लिमहरू जिल्लाका केही भागहरूमा प्रभुत्व जमाउँछन्, यद्यपि तिनीहरू देशको बाँकी भागमा भने अल्पसंख्यक हुन्। तिनीहरू सामान्यतया सुन्नी मुस्लिमहरूसँगै शान्तिपूर्वक बस्छन्, जो पाकिस्तानमा बहुसंख्यक छन्। तर, जमिनको विवाद सामान्य साम्प्रदायिक हिंसामा परिणत भएपछि गत जुलाईदेखि कुर्रममा दुवै पक्षका दर्जनौं मारिएका छन्।
कुर्रमका डेपुटी कमिश्नर जावेद उल्लाह मेहसुदले युद्धविरामका लागि जनजाति अगुवाहरूसँग वार्ता भइरहेको र शान्ति ब्यवस्था लागू गर्न सुरक्षाकर्मी तैनाथ गरिएको बताए।
