बलिवुड अभिनेता अल्लु अर्जुन अभिनित ‘पुष्पा २ : द रुल’ को दोस्रो दिन पनि शानदार कमाई गरेको छ । पहिलो दिनको तुलनामा भने फिल्मको कमाई १६ प्रतिशतले गिरावट आएको छ ।
सुकुमारद्वारा निर्देशित फिल्मले दुई दिनमै आफ्नो पहिलो भागको लाइफटाइम कलेक्शनलाई पार गरेको छ ।
दोस्रो दिन पुष्पा-२ ले करिब ९०.१ करोड कमाएको छ । जसमा तेलुगुमा २७.१ करोड, हिन्दीमा ५५ करोड, तमिलमा ५.५ करोड, कन्नडमा ६० लाख र मलायालममा १.९ करोड भारु रहेको छ ।
दुई दिनपछि ‘पुष्पा २’ को कुल बक्स अफिस कलेक्सन २६५ करोड पुगेको छ । जसमा तेलुगुमा ११८.०५ करोड, हिन्दीमा १२५.३ करोड, तमिलमा १३.२ करोड, कन्नडमा १.६ करोड र मलायालममा ६.८५ करोड रहेको छ ।
दोस्रो दिन बक्स अफिस कलेक्सनमा १६ प्रतिशतले कमी आए पनि ‘पुष्पा २’ ले कैयौं रेकर्ड बनाएको छ ।
हिन्दीमा ‘पुष्पा २’ ले दुई दिनमा १२५.३ करोड कमाएको छ । योसँगै यसले पहिलो भागको हिन्दी लाइफटाइम कलेक्सनलाई उछिनेको छ जुन १०६.३५ करोड रुपैयाँ थियो । जबकि कुल लाइफटाइम कलेक्शनको कुरा गर्ने हो भने ‘पुष्पा १ द राइज’ ले भारतमा करिब २६७.५५ करोड कमाएको थियो । अर्थात् ‘पुष्पा २’ ले छिट्टै रिलिजको तेस्रो दिननै पार गर्ने तयारी गरिरहेको छ ।
