नेपाल प्रिमियर लिग अन्तर्गत कर्णाली याक्सले विराटनगर किंग्समाथि रोमाञ्चक जित हासिल गरेको छ ।
शनिबार सम्पन्न खेलमा कर्णालीले विराटनगरलाई ७ रनले पराजित गरेको हो ।
कर्णालीले दिएको १३४ रनको लक्ष्य पछाएको विराटनगरले २० ओभरमा ८ विकेट गुमाउदै १२६ रन मात्र बनाएपछि कर्णाली ७ रनले विजयी भएको हो ।
विराटनगरका लागि निकोलस कृतनले ४०, लोकेस बमले १९ र दिपक बोहोराले १८ रन बनाए भने कर्णालीका बलर नन्दन यादवले ३ तथा विपिन शर्माले २ विकेट लिएका थिए ।
यसअघि टस हारेर पहिला ब्याटिंग गरेको कर्णालीले २० ओभरमा अल आउट हुदै १३३ रन बनाएको थियो । करंलीका लागि विलियम बोसिस्टोले ६६ र देव खनालले ५३ रन बनाएका थिए ।
त्यसैगरी विराटनगरका बलर प्रतिस जिसीले ४ तथा क्रिस सोल र बसिर अहमदले २-२ विकेट लिएका थिए ।
यो जितपछि कर्णालीको ४ खेलमा २ जित र २ हारसहित ४ अंक भएको छ भने विराटनगरले ४ खेलमा तेस्रो हार बेहोरेको छ ।
