नेपालले महिला यू-१९ एशिया कपमा पाकिस्तानमाथि शानदार जित हासिल गरेको छ ।
मलेसियामा जारी एशिया कपको समुह बी अन्तर्गतको पहिलो खेलमा नेपालले पाकिस्तानलाई ६ विकेटले पराजित गरेको हो ।
पाकिस्तानले दिएको १०५ रनको लक्ष्य पछाएको नेपालले १९ ओभरमा ४ विकेट गुमाउदै लक्ष्य पुरा गरेको थियो ।
नेपालको जितमा कप्तान पुजा महतोले अविजित ४७ रन बनाएकी थिइन् भने सोनी पाख्रिनले १३, सीमा केसीले १२ र साना प्रविनले १० रन बनाएकी थिइन् ।
यस अघि टस जितेर पहिला ब्याटिंग गरेको पाकिस्तानले २० ओभरमा ५ विकेट गुमाउदै १०४ रन बनाएको थियो ।
यो जितपछि नेपाल एशिया कपको सुपर फोरमा पुग्ने निश्चित भएको छ । पाकिस्तान भने दुवै खेलमा पराजित भएर पाँचौं स्थानको प्लेअफ खेल्ने भएको छ । नेपालले अर्को खेल मंगलबार भारतविरुद्ध खेल्ने तालिका रहेको छ ।
