काठमाडौँ । भारतको राजधानी दिल्लीमा फेरि प्रदुषण बढेको छ ।
मंगलबार बिहान दिल्लीमा कुहिरोसँगै प्रदुषण बढेपछि कक्षा ५ सम्मका विद्यालय बन्द गरिएको भारतीय मिडियाहरुले उल्लेख गरेका छन् ।
दिल्लीमा हाल वायु गुणस्तर सूचकांक (एक्यूआइ) विश्वकै सबैभन्दा बढी ५९७ रहेको छ ।
प्रदुषण बढेपछि दिल्ली, गुरुग्राम, फरीदाबाद, गाजियाबाद, नोएडा र ग्रेटर नोएडामा कक्षा ५ सम्मका विद्यालयहरू बन्द गरिएको छ । कक्षा १० र १२ बाहेक विद्यालयका अन्य सबै कक्षा हाइब्रिड मोडमा सञ्चालित हुनेछन् ।
जस अनुसार कलकारखाना, निर्माण कार्य र यातायातमा कडा प्रतिबन्ध लगाइनेछ । ट्रक लोडर र अन्य भारी सवारीलाई दिल्लीमा प्रवेश गर्न दिइने छैन। सबै प्रकारका निर्माण तथा भत्काउने काममा रोक लगाइनेछ ।
सरकारी तथा निजी कार्यालयमा घरबाटै काम गर्न निर्देशन दिइएको छ ।
कच्चा सडकमा निर्माण सामग्री बोक्ने सवारी साधनमा रोक लगाइएको छ ।
खुलामा फोहोर फाल्न, पोलिथिन र प्रदुषणकारी पदार्थको प्रयोगमा पनि रोक लगाइएको छ ।
