काठमाडौं । विदेश पठाइदिने भन्दै ठगेको आरोपमा प्रहरीले काठमाडौंबाट दुई जनालाई पक्राउ गरेको छ।
पक्राउ पर्नेमा धनकुटा घर भइ काठमाडौं बस्ने ४९ वर्षीय पूर्णबहादुर गिरी र खोटाङ घर भइ भक्तपुर बस्ने २० वर्षीय मिसन गुरुङ छन्।
गिरीले अमेरिका पठाउँछु भनेर ३ जनाबाट २४ लाख ठगेको उपत्यका अपराध अनुसन्धान कार्यालयले जनाएको छ।
गुरुङले माल्टा पठाउँछु भनेर ३ लाख रुपैयाँ ठगेको प्रहरीले जनाएको छ।
उनीहरूलाई कारबाहीका लागि वैदेशिक रोजगार विभागमा पठाइएको छ।
