काठमाडौँ । टोटनह्याम कारबाओ कपको सेमिफाइनलमा पुगेको छ ।
गएराती सम्पन्न क्वाटरफाइनलको खेलमा म्यानचेस्टर युनाइटेडलाई ४-३ गोल अन्तरले पराजित गर्दै टोटनह्याम सेमिफाइनलमा पुगेको हो ।
टोटनह्यामको जितमा डोमिनिक सोलांकीले २ गोल गरेका थिए भने डुजान कुलुसेभ्सकी र सन हेंग मिनले एक एक गोल गरेका थिए ।
त्यसैगरी म्यानचेस्टर युनाइटेडका लागि जोशुआ जिर्कजी, अमाद डियालो र जोनी एभान्सले एक एक गोल गरेका थिए ।
यो जितपछि अब टोटनह्यामले सेमिफाइनलमा लिभरपुलको सामना गर्ने भएको छ । त्यस्तै अर्को सेमिफाइनलमा आर्सनलले न्यूक्यासल युनाइटेडको सामना गर्ने भएको छ ।
