काठमाडौं । मलेसियामा जारी एसीसी यू-१९ महिला एसिया कप क्रिकेटमा सुपर फोर अन्तर्गत आज नेपालले बंगलादेशको सामना गर्दै छ । यो खेल नेपाली समय अनुसार बिहान ११: ४५ बजेदेखि शुरु हुदै छ ।
यस अघि विहिबार सुपर फोर अन्तर्गतको खेलमा नेपाल र श्रीलंकाबीचको खेल बर्षाले प्रभावित भएको थियो । बर्षाले खेल रद्ध भएपछि नेपाल र श्रीलंकाले एक एक अंक बाँडेका थिए ।
त्यस्तै विहिबार नै सम्पन्न खेलमा बंगलादेश भारतसँग पराजित भएको थियो । फाइनलमा पुग्न नेपाल र बंगलादेश दुवैलाई आजको खेल जित्नै पर्ने अवस्था रहेको छ । नेपालले आज बंगालदेशलाई पराजित गरेमा फाइनलमा पुग्ने छ । भारत भने हाल सुपर फोरको शिर्ष स्थानमा रहेर फाइनलमा पुगिसकेको छ ।
नेपाल समूह बी को उपविजेता बन्दै सुपर फोरमा प्रवेश गरेको थियो । श्रीलंका भने समूह ए को दुवै खेल जितेर समूह विजेता बनेको थियो । भारत र पाकिस्तान जस्ता टोली रहेको समूहमा नेपालले पहिलो खेलमै पाकिस्तानलाई ६ विकेटले हराएर सुपर फोरमा स्थान पक्का गरेको थियो ।
भारत विरुद्ध दोस्रो खेल भने वर्षाका कारण प्रभावित हुँदा नेपाल र भारतले अंक बाँडेका थिए । समूह चरणमा नेपाल र भारत अपराजित रहँदै सुपर फोरमा पुगेको हो ।
समूह ए बाट बंगलादेश दुवै खेल जितेर समूह विजेताको रुपमा सुपर फोरमा पुगेको छ भने श्रीलंकाले एक खेल जितेर उपविजेता बन्कोदै सुपर फोरमा पुगेको छ । पहिलो खेलमा घरेलु टोली मलेसियालाई हराएको श्रीलंका त्यसपछि बंगलादेशसँग पराजित भएको थियो ।
