राष्ट्रिय दलित पत्रकार संघ नेपाल लुम्बिनी प्रदेशको दोस्रो अधिवेशनबाट नयाँ कार्यसमिति गठन भएको छ ।
शनिवार नेपालगन्ज बांकेमा सम्पन्न अधिवेशनबाट नयाँ कार्यसमिति गठन भएको हो ।
अधिवेशनबाट टेकेन्द्र बस्याल (वाँके) को अध्यक्षतामा १३ सदस्यीय कार्यसमिति गठन गरिएको छ ।
जसको उपाध्यक्षमा लोकेन्द्र सुनार (प्युठान), कृष्ण दर्लान (पाल्पा) र भरत नेपाली (रोल्पा), सचिबमा अनिल नेपाली (अर्घाखाँची) सह–सचिबमा विवेक विश्वकर्मा (रुपन्देही) र अरुन कुमार नेपाली (दाङ), कोषाध्यक्षमा विधुत्मा रैका (बाँके) चयन भएको निर्वाचन समितिका सदस्य तथा केन्द्रीय महासचिव लक्ष्मण दर्नालले जानकारी दिए ।
यस्तै,सदस्यहरूमा जगलाल नेपाली (रुपन्देही), सित्मती नेपाली (नवलपरासी), रामबहादुर गन्दर्भ (कपिलवस्तु), रामशरण रैदास (कपिलवस्तु), राहुल विश्वकर्मा (बर्दिया) र अनिता नेपाली (बाँके) चयन भएका छन् ।
गुल्मी र रुकुम पुर्व जिल्लाको लागि भने १ र १ जना सदस्य आगामी पुर्ण बैठकबाट मनोनीत गर्ने गरि समितिको अधिवेशन सम्पन्न गरिएको हो ।
अधिवेशनको उद्घाटन लुम्बिनी प्रदेश सरकारका आन्तरिक मामिला तथा कानुन मन्त्री आदेस अग्रवालले गरेका थिए ।
