काठमाडौं । सर्वपक्षीय सहमति विपरीत सगरमाथा राष्ट्रिय निकुञ्जले सगरमाथा क्षेत्रमा हेलिकप्टरको व्यवसायिक उडान खुलाएको भन्दै स्थानीय सरकारले आपत्ति जनाएको छ ।
खुम्बु पासाङल्हामु गाउँपालिकाले एक सूचना जारी गर्दै निकुञ्जको कदमप्रति आपत्ति रहेको जनाएको हो ।
हेलिकप्टर उडानका सन्दर्भमा यस क्षेत्रका नागरिकको चासो, वर्तमान अव्यवस्था अन्त्य गर्न गाउँपालिका, निकुञ्ज, मध्यवर्ती क्षेत्र व्यवस्थापन समिति, मध्यवर्ती क्षेत्र उपभोक्ता समिति र स्थानीयवासिन्दाको पहलमा हेलिकप्टर उडान व्यवस्थित गर्न गरिएको निर्णय निकुञ्जले तोडेको समेत गाउँपालिकाको भनाइ छ ।
गाउँपालिकाले नेपाल नागरिक उड्डयन प्राधिकरण र सगरमाथा निकुञ्जको पछिल्लो सूचनाप्रति आपत्ति जनाएको हो ।
