काठमाडौं । नेपाल क्रिकेट संघ (क्यान)ले नेपालका सबैभन्दा चर्चित क्रिकेटर सन्दीप लामिछानेलाई कारबाही गरेको छ।
आचारसंहिता उल्लंघनको आरोपमा क्यानले लामिछानेलाई कारबाही गरेको हो।
क्यानले उनलाई एक खेल खेल्न प्रतिबन्ध लगाएको छ।
लामिछानेले जय ट्रफी एलिट कपमा अम्पायरको निर्णयमा असन्तुष्टि जनाउँदै सामाजिक सञ्जालमा पोस्ट गरेका थिए।
बागमती प्रदेशको कप्तानी गरिरहेका सन्दीपले अम्पायरहरूले गलत निर्णय गरेको आरोप लगाउँदै सार्वजनिक रूपमा आफ्नो असन्तुष्टि पोखेका थिए।
