अमेरिकाको लस एन्जलसमा फेरि आगलागी बढेको छ । आगलागी फेरी बढेपछि हजारौं मानिसहरूलाई सुरक्षित स्थानहरूमा सारिएको मिडिया रिपोर्टमा उल्लेख छ ।
अहिले आगलागी भएको क्षेत्र शहरबाट ४५ माइल टाढा छ । यो आगलागी कास्टेइक ताल नजिकैको पहाडी क्षेत्रमा लागेको हो । यसको नजिकै धेरै आवासीय क्षेत्र र विद्यालयहरू छन् । आगोको ज्वालाले ८ हजार एकडभन्दा बढी क्षेत्रफललाई ध्वस्त पारेको छ । यो आगो बढाउनमा तीव्र हावा र सुख्खा झाडीहरूले इन्धनको काम गरिरहेको बताइएको छ ।
यस आगलागीबाट अहिलेसम्म कुनै पनि घरमा क्षति नभए पनि करिब १९ हजार बासिन्दाहरू उक्त क्षेत्र छोड्न बाध्य भएका छन् ।
अमेरिकाको क्यालिफोर्नियाका अग्निनियन्त्रकहरूले अझै पनि जंगलमा लागेको आगो निभाउने प्रयास गरिरहेका छन् । आगलागीमा अहिलेसम्म २५ जनाको मृत्यु भएको छ भने `१० हजार भन्दा बढी घरहरु ध्वस्त भएका छन् ।
