काठमाडौँ । बैंकिङ कसुर मुद्दामा पक्राउ पुर्जी जारी भई फरार रहेकी एक युवती पक्राउ परेकी छन् ।
पक्राउ पर्नेमा बाँके घर भई हाल काठमाडौँ महानगरपालिका-२९ अनामनगर बस्ने २७ वर्षीया सुस्मिता परियार रहेकी छन् ।
जिल्ला अदालत सुर्खेतबाट बैंकिङ कसुर मुद्दामा पक्राउ पुर्जी जारी भई फरार रहेकी उनलाई काठमाडौँ उपत्यका अपराध अनुसन्धान कार्यालयबाट खटिएको टोलीले गत माघ १४ गते अनामनगरबाट पक्राउ गरेको हो ।
प्रहरीका अनुसार उनी २५ लाख रुपैयाँ बिगो भएको बैकिङ कसुर मुद्दामा फरार रहेकी थिइन् ।
परियारलाई आवश्यक कारबाहीको माघ १५ गते जिल्ला प्रहरी कार्यालय सुर्खेत पठाइएको छ।
