काठमाडौँ । पश्चिम नवलपरासीमा प्रहरीले गोली चलाएर लागुऔषध कारोबारीलाई पक्राउ गरेको छ ।
रामग्राम नगरपालिका वडा नम्बर–१२ स्थित पचगाँवा बस्ने ५२ वर्षीय राजेश लोनियालाई पक्राउ गरेको हो ।
लागुऔषध नियन्त्रण ब्यूरोको भैरहवा शाखा र जिप्रका पश्चिम नवलपरसासीबाट खटिएको प्रहरीले लोनियाको घरबाट लागुऔषध कारोबार भइरहेको सूचनाको आधारमा बिहीबार साँझ अपरेसन चलाएका हुन् ।
पक्राउ गर्न खोज्दा प्रहरीको हतियार खोस्न खोजेपछि गोली प्रहार गरिएको प्रहरीले जनाएको हो ।
प्रहरीले प्रहार गरेको गोली लागेर लोनिया घाइते भएका छन् ।
लागुऔषध कारोबारमा संलग्न एकजना फरार भएका छन् । घटनास्थलबाट प्रहरीले ९३ पुरिया खैरो हेरोइन बरामद गरेको छ ।
