इङ्लिस प्रिमियर लिगमा आर्सनलले चेल्सीलाई पराजित गरेको छ । गए राति भएको खेलमा आर्सनलले चेल्सिविरुद्ध १-० को जित निकाल्यो । २०औँ मिनेटमा आर्सनलका मिकेल मेरिनोले गरेको गोल निर्णायक बन्दा आर्सनल विजयी भएको हो ।
त्यस्तै अर्को खेलमा म्यानचेस्टर युनाइटेडले लिसेस्टर सिटीलाई ३-० ले पराजित गर्यो । म्यानचेस्टर युनाइटेडको जितमा रासमस होजुन्डले २८औँ, एलेजान्द्रो गरान्चोले ६७औँ र ब्रुनो फनर्डान्डेजले ९०औँ मिनेटमा गोल गरे ।
लिगअन्तर्गत फुलहामले टोटनहामलाई २-० ले पराजित गर्यो । फुलहामका लागि ७८औँ मिनेटमा रोड्रिगो मुनिज र ८८औँ मिनेटमा रियान सेसेगननले गोल गरे ।
अंकतालिकामा भने लिभरपुल शीर्ष स्थानमा छ । दोस्रो स्थानमा आर्सनल रहँदा नोटम फरेस्ट तेस्रो स्थानमा छ । चेल्सी र म्यानचेस्टर सिटी भने क्रमशः चौथो र पाँचौँ स्थानमा छन् ।
