काठमाडौं । चैत १५ गते तीनकुने र कोटेश्वरमा दुर्गा प्रसाई नेतृत्वमा भएको राजावादी प्रदर्शनका क्रममा भाटभटेनी सुपरस्टोर्समा भएको लुटपाटमा संलग्न एक व्यक्ति राष्ट्रिय स्वतन्त्र पार्टी (रास्वपा) का जिल्ला सभापति समेत रहेको खुलासा भएको छ।
प्रहरी अनुसन्धानका क्रममा अमेरिकाबाट पीएचडी गरेका र सीसीआरसी कलेज बालकुमारीका निर्देशकसमेत रहेका राजकुमार राई लुटपाटमा संलग्न रहेको प्रमाणित भएको छ। उनी रास्वपाका खोटाङ जिल्ला सभापति रहेको समेत खुलेको छ।
प्रहरी स्रोतका अनुसार, चैत १५ गते कोटेश्वरस्थित भाटभटेनी सुपरस्टोरबाट महँगा ब्रान्डका ब्ल्याक लेबल, ब्यू लेबलजस्ता ह्वीस्की चोरी गरिरहेको अवस्थामा सीसीटीभी फुटेजमा देखिएपछि उनलाई पक्राउ गरिएको हो।
जिल्ला प्रहरी परिसर, काठमाडौंको विज्ञप्तिमा खोटाङको राउवाबेसी गाउँपालिका वडा नम्बर १ निवासी राजकुमार राई पक्राउ परेको उल्लेख छ। सामाजिक सञ्जालमा पारदर्शिता र भ्रष्टाचारविरुद्धको अभियान चलाउँदै आएको रास्वपाका एक शीर्ष नेता नै चोरीमा संलग्न भएको भिडियो तथा फोटोहरू सार्वजनिक भइसकेका छन्।
प्रहरी स्रोतका अनुसार, राईले भाटभटेनीमा लुटपाट गराउन भीडलाई उत्तेजित बनाउने भूमिका समेत खेलेका थिए। सीसीटीभी फुटेजमा उनी सो घटनामा संलग्न रहेको स्पष्ट देखिएको छ।
राई पक्राउ परेपछि उनको फेसबुक पेज डीएक्टिभेट गरिएको छ भने मोबाइल फोन समेत स्वीच अफ गरिएको पाइएको छ।
जिल्ला प्रहरी परिसर, काठमाडौंका प्रवक्ता एसपी अपिलराज बोहराले राईसहितका भाटभटेनी लुटपाटमा संलग्न अन्य व्यक्तिहरूलाई पक्राउ गरी अनुसन्धान भइरहेको जानकारी दिएका छन्। उनले बुधबार ७ दिनको म्याद थप गरी विस्तृत अनुसन्धान अघि बढाइएको बताएका छन्।
यस घटनाले राष्ट्रिय स्वतन्त्र पार्टीभित्र नै ठूलो तरंग उत्पन्न गरेको छ। पार्टी नेतृत्वले यसबारे आधिकारिक धारणा सार्वजनिक गरेको छैन, तर भित्रभित्रै छलफल चलिरहेको बताइएको छ। पार्टीका अन्य सदस्यहरूले यस घटनाबाट आफूहरू स्तब्ध भएको बताएका छन्।
यसैबीच, प्रहरी स्रोतका अनुसार पक्राउ परेका व्यक्तिहरूलाई जिल्ला अदालतमा पेश गरिनेछ। कानुनी प्रक्रिया अघि बढ्दै गर्दा राईको संलग्नताबारे थप प्रमाण संकलन गर्ने प्रयास भइरहेको छ।
भाटभटेनी सुपरस्टोर्सका सञ्चालकहरूले लुटपाटका कारण व्यवसायमा भएको क्षतिप्रति चिन्ता व्यक्त गरेका छन्।
यस घटनापछि रास्वपाका अन्य नेताहरूले पनि प्रतिक्रिया दिएका छन्। केही नेताहरूले यो घटनाले पार्टीको छवि धूमिल भएको बताएका छन् भने केहीले पार्टी अनुशासन उल्लङ्घन गर्ने जो कोहीलाई कडा कारबाही गर्नु पर्ने बताएका छन्।
सामाजिक सञ्जालमा पनि यो घटना व्यापक चर्चा भइरहेको छ। धेरै नागरिकहरूले कानुनी राज्यको सिद्धान्तलाई आत्मसात गर्दै दोषीहरूमाथि निष्पक्ष कारबाही हुनुपर्ने माग गरिरहेका छन्। कतिपयले भने रास्वपाको पारदर्शिता नीतिको आलोचना गर्दै यो घटनाले पार्टीभित्रको वास्तविकता उजागर गरेको टिप्पणी गरेका छन्।
प्रहरी अनुसन्धान जारी रहेको र थप विवरण सार्वजनिक भएसँगै घटनाको वास्तविकता अझ प्रस्टिने अपेक्षा गरिएको छ।
अहिले भाइरल भइरहेको तस्बिरमा पेस्तोल देखाएर तर्साउने ब्यक्ति को हुन ?
काठमाडौंमा आन्दोलन उग्र बनाउन भूमिका खेलेको आरोपमा थप दुई पक्राउ
तीनकुने हिंसा प्रकरण : नेपाली सेनाका पूर्वक्याप्टेन राजभण्डारी पक्राउ
हिंसा भड्काउने मुख्य आरोपी दुर्गा प्रसाईंका धर्मगुरु पुष्कर खतिवडा पक्राउ
तीनकुनेमा राजावादी प्रदर्शन उग्र: सुरक्षाकर्मीको बन्दुक खोसियो, मिडिया हाउसमाथि आक्रमण
पूर्वराजा ज्ञानेन्द्र शाहको राहदानी रद्द गर्न सरकारको निर्देशन
पूर्वराजा ज्ञानेन्द्र शाहको राहदानी रद्द गर्न सरकारको निर्देशन
राप्रपा उपाध्यक्ष मिश्र र महामन्त्री राणाविरूद्ध राज्यविरूद्धको अपराध मुद्धा
तीनकुने घटनापछि सरकार आक्रामक : नेताहरूलाई राज्यद्रोहको मुद्दा, कसैलाई नछोडिने
