सिरहा । सिरहाको कल्याणपुर नगरपालिका–६ भोक्राहामा चट्याङ लागेर एक जनाको ज्यान गएको छ। बिहीवार खेतमा काम गर्ने क्रममा चट्याङ लाग्दा घटनास्थलमै मृत्यु भएको जिल्ला प्रहरी कार्यालय सिरहाले जनाएको छ।
मृतक कल्याणपुर नगरपालिका–८ मझौलिया वडा कार्यालयमा कार्यरत करिब ४५ वर्षीय बेचन रोहीता रहेको पुष्टि भएको छ।
प्रारम्भिक जानकारीअनुसार उनी गहुँको खेतमा काम गरिरहेका बेला चट्याङ परेको हो।
घटनापछि स्थानीय प्रशासन र प्रहरीको टोली घटनास्थलमा पुगेको थियो।
मृतकको शवलाई पोस्टमार्टमका लागि प्रादेशिक अस्पताल, सिरहा पठाइएको छ।
