नेपाली बजारमा आज सुनको मूल्यमा उल्लेख्य गिरावट आएको छ।
नेपाल सुनचाँदी व्यवसायी महासंघका अनुसार छापावाल सुनको मूल्य अघिल्लो दिनको तुलनामा ८०० रुपैयाँले घटेर प्रतितोला १ लाख ८९ हजार ८०० रुपैयाँ कायम भएको छ।
यसअघि बिहीबारको कारोबारमा छापावाल सुन प्रतितोला १ लाख ९० हजार ६०० रुपैयाँमा किनबेच भएको थियो, जुन अहिलेसम्मकै ऐतिहासिक उच्च मूल्य थियो।
यद्यपि, चाँदीको मूल्य भने स्थिर छ। महासंघका अनुसार आज पनि बिहीबारकै मूल्य अनुसार चाँदी प्रतितोला १ हजार ९६० रुपैयाँमै कारोबार भइरहेको छ।
