स्पेनमा पहिलोपटक यौन मामिला मन्त्री नियुक्त

adelmira

मड्रिड। स्पेनले पहिलोपटक यौन मामिला मन्त्री (मिनिस्टर अफ सेक्स) नियुक्त गरेको छ ।

adelmira मुलुकमा सिर्जित जन्मदर कमीको चुनौतिसँग लड्नुपर्ने एजेन्डा लिएर एडेलमिरा बेरेइरा पहिलो ‘मिनिस्टर अफ सेक्स’ नियुक्त भएकी छिन् । सरकारले यो नयाँ मन्त्रालय गठनसँगै जन्मदरमा वृद्धि हुने विश्वास लिएको छ । पछिल्लो समय स्पेन विश्वमै न्यून जन्मदर भएको मुलुक बनेको छ ।

प्रधानमन्त्री मारियानो रोजयोले बेरेइरालाई मन्त्रालयको जिम्मेवारी सुम्पेकी छिन् । नवनियुक्त मन्त्री बेरेइराको कार्यकाल बढीभन्दा बढी बच्चा जन्माउनुपर्ने योजनाहरुमा केन्द्रित हुनेछ । स्पेनले पछिल्लो समय जनसंख्याको संकटसँग संघर्ष गरिरहेको छ । गतवर्ष जन्मभन्दा मृत्युदर बढी मापन गरिएको थियो ।

विज्ञहरु स्पेनमा पछिल्लो समय यौनेच्छामा देखिएको अरुचिमा केही कारणलाई जिम्मेवार ठान्छन् । जस्तो -लामो समय काम गर्नु । राती ढिलो समय खाना खाने संस्कृति र मध्यरातमा सुत्ने समस्या ।मड्रिडस्थित बिजनेस स्कुलका राफेल पुयोल भन्छन् -उनीहरुले परिवार निर्माण गर्न सहयोग गरिरहेका छैनन् । जब बच्चा जन्मिन्छ, त्यो निकै खराब स्वास्थ्यको हुने गर्छ ।’

सन् २००८ यता स्पेनको जन्मदरमा १८ प्रतिशतले गिरावट आइसकेको छ । सन्तानविहिन जोडीहरुको संख्या १,५ मिलियन ९सन् १९७७० बाट बढेर ४,४ मिलियन ९२०१५० पुगेको थियो ।

औषत स्पेनी महिलाहरु २ वा सोभन्दा बढी बच्चा चाहन्छन् । तर, सन् २०१५ मा १८ देखि ४८ उमेर समूहका महिलाहरुले १,३ प्रतिशत बच्चा जन्माएका थिए । तर, युरोपेली युनियनले चाहिँ १,५८ प्रतिशत आँकडा तय गरेको छ । परिवार नीति हेर्ने स्पेनको एक संस्थाका अनुसार आर्थिक संकटको कारणले पनि स्पेनी महिलाहरु जीवनको उत्तराद्र्धमा बच्चा जन्माउन बाध्य छन् ।

स्पेनको शिक्षा मन्त्रालयले जन्मदरमा आएको कमीको कारण आथिक असमानता बढ्ने र कल्याणकारी राज्यलाई प्रभावित तुल्याउने बताएको छ । मन्त्री बेरोइराको अबको चुनौति जनसंख्या असन्तुलनविरुद्ध लड्न राष्ट्रिय रणनीति तय गर्नु पनि छ ।-एजेन्सी

Kantipath Media

यो छुट्टाउनु भो कि..