१६ सांसद विरुद्ध ओलीको मुद्दाको सुनुवाइ आज सकिँदै, होला त अन्तरिम आदेश ?

नेकपा (एमाले) का अध्यक्ष केपी शर्मा ओलीले माधवकुमार नेपालसहित १४ संघीय सांसद, सभामुख, निर्वाचन आयोग र लुम्बिनी प्रदेशका २ प्रदेशसभा सदस्यलाई पदमुक्त गर्ने मागसहित दायर गरेको रिटको सुनुवाइ आज (मंगलबार) हुने भएको छ।

सोमबार न्यायाधीशद्वय दीपककुमार कार्की र कुमार चुडालको संयुक्त इजलासमा बहस भएको उक्त मुद्दा ’हेर्दा हेर्दै’ मा राखिएको थियो। आजको इजलासले अन्तरिम आदेश जारी गर्ने वा नगर्ने निर्णय गर्नेछ।

उक्त मुद्दामा अन्तरिम आदेश जारी भएमा माधवकुमार नेपालसहित १४ सांसदले प्रतिनिधि सभामा भाग लिन नपाउने पनि हुन सक्छ। त्यस्तै सभामुख अग्निप्रसाद सापकोटामाथि पनि प्रश्न उठ्नेछ भने एकीकृत समाजवादीको वैधानिकतामाथि पनि प्रश्न उठ्नेछ।

सोमबार निवेदक पक्षका कानुन व्यवसायी, सरकारी वकिल, नेपाल पक्षका कानुन व्यवसायीले बहस गरे पनि निवेदक एमाले अध्यक्ष ओलीको जवाफ बाँकी रहेकाले मुद्दा हेर्दा हेर्दैमा राखिएको हो।

Golu
http://kantipath.com

यो छुट्टाउनु भो कि..