annapurna add

सुदूरपश्चिम प्रदेश प्रहरी प्रमुख डिआईजी उत्तमकुमार सुवेदीले बैतडीको दोगडाकेदार गाउँपालिका-७ कि १७ वर्षकी भागरथी भट्टको बलात्कारपछि हत्या प्रकरणका दोषीलाई चाँडोभन्दा चाँडो पक्राउ गर्ने र कारबाही गरिने विश्वास दिलाएका छन् ।

बलात्कारपछि भागरथी हत्या प्रकरणः विप्लव नेतृत्वकाे विद्यार्थी संगठन अखिलद्वारा कञ्चनपुरमा प्रदर्शन

भागरथी हत्या प्रकरण : दर्जनौँ व्यक्तिमाथि अनुसन्धान, परिणाम शून्य

भागरथी भट्ट हत्याको पोस्टमार्टम रिपोर्ट भन्छ : ‘बलात्कारपछि घाँटी थिचिएको थियो’

भागरथी भट्टको बलात्कारपछि हत्याको सत्य तथ्य छानविन गरी कारवाही गर : महासचिव विप्लव

स्वाब परीक्षणका लागि काठमाडौंँ पठाइयो, ५ दिन बितिसक्दा पनि भागरथीका हत्यारा पत्ता लागेन

भागरथी भट्ट हत्या प्रकरण : महेन्द्रनगरमा प्रदर्शन

भागरथी भट्ट हत्या प्रकरण : भेटिएन हत्याराको सुराक

बैतडी घटनाबारे महिला आयोग गम्भीर

भागरथी भट्ट हत्या प्रकरण : परिचितबाटै हत्याको आशंका

युवाहरुले किन लगाए गृहमन्त्रीका छोरालाई बलात्कारको आरोप ?

बैतडी प्रकरण : शंकास्पद ६ जना प्रहरी नियन्त्रणमा

भागरथीको मृत्युले गाउँ शोकमा, परिवारले शव बुझ्न मानेनन्

भागरथी भट्ट प्रकरण : बलात्कारपछि घाँटी निमोठेर हत्या

DIG Uttam Kumar Subediआज (सोमबार) विहान नेपाली रेडियो नेटवर्कबाट प्रशारण भएको ‘नेपाली बहस’ कार्यक्रममा पत्रकार ऋषि धमलासँग कुरा गर्दै डिआईजी सुवेदीले यो घट्नामा नेपाल प्रहरी सफल हुने र छिट्टै दोषीलाई सार्वजनिक गर्ने प्रतिबद्धता जनाए ।

उनले आफूहरुले अहिले घट्नाबारे गम्भीर अनुशन्धान गरिराखेको पनि जानकारी दिए । प्रस्तुत छ पत्रकार धमलाले सुवेदीसँग गरेको कुराकानीको सम्पादित अंश :

भागरथी भट्टको हत्या प्रकरण कहाँ पुग्यो ? बलात्कारपछि हत्या गरिएको कुरा बाहिर आएको छ, वास्तविकता के हो ? बताउनुहोस् ?

हामी अनुसन्धानकै प्रक्रियामा छौं । र, म आफूपनि घट्नास्थलकै आसपासमा बसेर टिमसहित अनुसन्धान गरिराखेको छु । विगतमा अनुसन्धानको क्षेत्रमा लामो अनुभव भएका जवानहरुको संलग्नतामा हामीहरुले अनुसन्धान गरिराखेका छौं । र, त्यसमा हामीलाई स्थानियवासी र जनप्रतिनिधिहरुले पनि साथ दिइरहनुभएको छ । अनुसन्धानका सबै पाटाहरु, जुन हामीले गर्नुपर्ने हो ती सबै हामीले गरिराखेका छौं । र, यसमा देखिएका प्रगतिहरु हामी चाँडैनै सार्वजनिक गर्छौं ।

अनुसन्धान कहाँ पुग्यो त ? तपाईँहरु यो घट्नाको दोषी अथवा अपराधीलाई पक्रन कहिले सफल हुनुहुन्छ ? ठ्याक्कै भन्नुहोस त ?

यो मितिमा, यो गतेमा समातिन्छ भनेर अनुसन्धानमा ठ्याक्कै भन्न सकिने कुरो होईन । हामीले गर्नुपर्ने सबै पोस्टमार्टमको प्रक्रिया पनि चलिरहेका छन् । अन्य गर्नुपर्ने सबै कुरा भइरहेका छन् । कानूनी अनुसन्धान गर्नुपर्ने कुराहरु हामीले गरिरहेका छौं । यिनी गरिरहेका कुराभित्र के भइरहेको छ भन्ने कुरा सार्वजनिक गर्ने कुरा होइन । हामी तथ्यहरू सबै पुष्टी भइसकेपछि हामी सार्वजनिक गर्छौं ।

भोलि त तपाईँहरुले सार्वजनिक गर्नुहोला, तर अहिले अनुसन्धानले के देखाउँछ ?

अहिले हजुरलाई निवेदन गर्दा यो अत्यन्तै दुःखद् घट्ना घटेको छ । एक जनाको दुःखद् घटना घटेको छ । यहाँबाट हामीले अनुसन्धान प्रक्रिया सुरु गरेका छौं । चाँडैनै यसको सबै कुरा सार्वजनिक गर्छौं ।

पोष्टमार्टम रिपोर्टमा के आयो ? तपाईँले अध्ययन गर्नुभयो होला नि ?

त्यो रिपोर्ट आउने क्रममा छ । सायद, आज आउला ।

पोष्टमार्टमको रिपोर्ट त हिजो नै आईसकेको भन्ने कुरा छ नि ?

हिजो आयो होला, तर प्रहरीले पाएको छैन् ।

उसो भए नेपाल प्रहरीले अहिलेसम्म पाएको छैन् ?

छैन् । छैन् । डाक्टर साहेवले निकाल्नु भएको छैन् ।

पोष्टमार्टम रिपोर्ट आएलगत्तै बलात्कारपछि हत्या भएको भनिएको छ, तपाईँले के पाउनुभयो त सूचना ?

अरुतिर के–के आयो बाहिर भन्ने कुराको त मलाई त्यति जानकारी भएन । तर, हाम्रो अनुसन्धा प्रक्रिया र हाम्रो टिमसँग खटिनुभएको डाक्टर साहेवहरुबाट बाहिर आएको छैन् । सायद आजसम्म दिनुहुन्छ होला ।

अपराधीलाई पक्रनको लागि यहाँहरूले कुन प्रविधि अपनाइरहनु भएको छ ?

बाहिर के–के आयो भन्ने कुराको म जिम्मेवारी दिन्नँ । हामीले बाहिर भनेका पनि छैनौं । र, केही पनि गरेका छैनौं । ती कुरा के हुन् ? छुटै अनुसन्धान होला । तर, हाम्रो अनुसन्धान प्रक्रिया द्रुत गतिमा गएको छ । अनुसन्धानमा अपनाउनुपर्ने सम्पूर्ण प्रक्रियाहरू अपनएर अगाडि बढिराखेका छौं ।

कञ्चनपुरकी निर्मला पन्तको बलात्कारपछि हत्या भयो, अहिलेसम्म राज्यले अपराधीलाई कारबाही गर्न सकेको छैन् । निर्मलाको जस्तै यो घटना पनि दोहोरिने हो कि ? भनेर अहिले चिन्ता व्यक्त भैरहेको छ, तपाईहरु यो घट्नाका अपराधीलाई पक्रन सक्छौं भन्न सक्नुहुन्छ ?

हामी स्पष्टसंग भन्न सक्छौं । एउटा घट्नामा सफल सकेन भनेर यो घट्नामा पनि हुँदैन् भन्ने मिल्दैन् । हामीले सफलतापूर्वक अनुसन्धान गरेका छौं । ९७ प्रतिशत बलात्कारका घट्ना हामीले सफलतापूर्वक अनुसन्धान भएको छ नि । यसलाई पनि हेर्नुपर्यो नि त । खाली एउटा घट्नामा सकेन भने योपनि सक्दैन भनेर बाएस हुनुहुँदैन् । यो केश चाँडै हामी अनुसन्धान गर्छौ ।

मृत्तकको परिवारको चिन्ता र चासो छ नि त ? फेरी निर्मला पन्तको जस्तै हुने हो कि भनेर ? यसपटक तपाईँहरु दोषीलाई कारबाही वा कानूनी दायरामा ल्याउन चुक्नुहुन्न ? नि ?

हामी परिवारसंगै बसेका छौं । उहाँलाई हामीले विश्वास दिलाएका छौं । सम्पूर्ण नेपाली दाजुभाइलाई पनि हामी विश्वास दिलाउँछौं कि– हामी चाँडोभन्दा चाँडो यो घट्नाका दोषीलाई बाहिर सार्वजनिक गर्छौं ।

त्यसो भए यो केशमा नेपाल प्रहरी सफल हुन्छ ?

हजुर, हजुर ।

यो घट्नामा संलग्न अपराधी नेपालमा छैन, भारत गइसकेको छ अरे नि त ? तपाईँहरुको निश्कर्ष पनि त्यही हो ?

यो कुराले कुनै माने राख्दैन् । जहाँ भएपनि हामी ल्याएर आउछौं ।

भागरथी भट्टले न्याय पाउनुपर्छ, र अपराधीलाई कारवाही हुनुपर्छ, यसमा तपाईँहरुलाई सफलता मिलोस भन्न चाहन्छु ।

हामीलाई दबाब त छँदैछ, तर दबाबसागै जिम्मेवारीबोध गर्दै यस घट्नाका दोषीलाई छिट्टै सार्वजनिक गर्छौं । र, कडाभन्दा कडा कारबाही गर्ने प्रतिबद्धता जनाउन चाहन्छु । रिपोर्टस नेपालबाट साभार !

प्रकासित मिति

 
 
Loading...
Loading...

 

Loading...