राजनीति, सरकार र युवाहरुको सहभागिता…

राजनीतिक परिवर्तन, सामाजिक क्रान्ति, जनआन्दोलन, जनयुद्ध र अधिकार प्राप्तिका विभिन्न संघर्षहरुमा युवाहरुको अतुलनीय योगदान छ । युवाहरुकै सक्रिय सहभागिताले देशमा परिवर्तन संभव भएको इतिहास साक्षी छ । शहीद, बेपत्ता, घाइते अपांगहरूको तथ्यांकमा पनि युवाहरु नै अगाडि छन् ।

देश विकासमा लाग्ने मानव जीवनको अत्यन्तै उर्जाशील, गतिशील, अमूल्य गहना नै युवा शक्ति हो । नेपालमा २०६८ को जनगणना अनुसार १६-४० उमेर समूहलाई युवा मानिएकोले नेपालको कुल जनसंख्याको ४०/३५% (करिब १ करोड ७ लाख) युवाहरु रहेको कुरा सर्वविदितै छ । सर्वाधिक उत्साह, संवेगसहितको शक्ति र सामर्थ्यले ओजस्वी युवाहरुको सक्रिय सहभागिताले राजनीतिक परिवर्तन, सामाजिक क्रान्ति, जनआन्दोलन, जनयुद्ध र विभिन्न समयका संघर्षहरु समेत सफल भएका छन् । देशको विकासमा युवाहरुको सक्रिय सहभागिता अनिवार्य छ ।

नेपाली राजनीतिक इतिहासको कुरा गर्दा सि पी मैनाली नेकपा मालेको महासचिव २७ वर्षको युवा अवस्थामा भएका थिए, झलनाथ खनाल ३३ वर्षमा नेकपा मालेको महासचिव भएका थिए ।

पुष्पकमल दाहल प्रचण्ड ३५ वर्षमा एकता केन्द्रको महासचिव भएका थिए, मदन भणणडारी ३७ वर्षको उमेरमा नेकपा मालेको महासचिव भएका थिए, मोहम्मद ईस्तियाक राई ३१ वर्षको उमेरमा मन्त्री भएका थिए, वि पी कोइराला ३६ वर्षको युवा अवस्थामा गृहमन्त्री भएका थिए ।

कृष्णप्रसाद भट्टराई ३५ वर्षमा सभामुख भएका थिए, ओनसरी घर्तिमगर ३७ वर्षमा सभामुख भएकी थिइन, तुलसी गिरी ३६ वर्षको युवा अवस्थामा प्रधानमन्त्री भएका थिए, वि पी कोइराला ४४ वर्षको उमेरमा प्रथम जननिर्वाचित प्रधानमन्त्री भएका थिए ।

शेर बहादुर देउवा २७ वर्षमा नेपाल विद्यार्थी संघको सभापति, ४५ वर्षमा गृहमन्त्री र ४८ वर्षको उमेरमा प्रधानमन्त्री भई सक्नुभएको थियो भने वरिष्ट नेता रामचन्द्र पौडेल ४९ वर्षमा सभामुख भईसक्नु भएको थियो ।

अहिले वर्तमान अवस्थामा नेपाली कांग्रेसको केन्द्रीय कार्यसमितिमा शून्य संख्यामा युवाहरु देखिन्छन भने देशमा रहेका झण्डै ४१% युवाहरु मध्ये आगामी १४ औं महाधिवेशनमा युवाहरुको स्थान के रहन्छ यो चासोको विषय रहेको छ ।

नेपाली काग्रेशको १४ औं महाधिवेशनका लागि सभापतिको दावी गरिरहेका नेताहरु वर्तमान सभापति शेर बहादुर देउवा, वरिष्ट नेता रामचन्द्र पौडेल, उपसभापति विमलेन्द्र निधि, महामन्त्री सशांक कोईराला, पुर्व महामन्त्री प्रकाशमान सिंह, केन्द्रीय सदस्य शेखर कोईराला लगायतका नेताहरुले पार्टीका हरेक तहका कमिटीमा युवाहरुको सहभागिता कसरी गराउछन् । भन्ने कुरा आम कार्यकर्ताहरुमा चासो विषय बनेको छ ।

युवाहरुको ४०% अनिवार्य सहभागिताको दावी गर्दै पुर्व ने वि संघका अध्यक्ष रञ्जीत कर्णले युवा नीति बारे विभिन्न अन्तक्रिया कार्यक्रम गरिरहेका छन् ।

भने नेपाली कांग्रेसले झण्डै शतप्रतिशत नयाँ कृयाशील सदस्यता वितरण गरेकाले थुप्रै युवाहरु पार्टीभित्र अटाएता पनि १४ औं महाधिवेशनबाट नेपाली कांग्रेसको नेतृत्वमा कति युवाहरु पुग्छन भन्ने कुरा प्रष्ट रहेको छ ।

एनपी जोशी

उपाध्यक्ष / नेपाल विद्यार्थी संघ सुदुरपश्चिम काठमाण्डौ प्रदेश सम्पर्क समिति

BK
http://ganeshbk.com.np

यो छुट्टाउनु भो कि..