एमालेको विधान महाधिवेसन : मञ्चमा किन अटेन पुराना कम्युनिष्ट नेताहरुको तस्वीर

काठमाडौं । नेपालमा एमालेको प्रथम विधान महाधिवेसनमा झण्डै ६ हजार प्रतिनिधि सहभागी भएका छन्, जुन महाधिवेसनको पार्टी अध्यक्ष तथा पूर्वप्रधानमन्त्री केपी शर्मा ओलीले पानसमा बत्ति बालेर गरेका छन् ।

मञ्च निक्कै सजाइएको छ । मञ्चमा पार्टीका शीर्ष नेताहरुलाई बस्ने व्यवस्था मिलाइएको छ भने अध्यक्ष मण्डललाई पछाडी बस्ने व्यवस्था मिलाइएको छ । तर, प्रथम महाधिवेशन उद्घाटन समारोहको हलको मुख्य मञ्चमा विगतमा जस्तो पुराना कम्युनिष्ट नेताहरुको तस्वीर राखिएको छैन । बीचमा चुनाव चिह्न सूर्य छ भने दायाँ–बायाँ नेपालको राष्ट्रिय झण्डा राखिएको छ ।

एमालेले आफ्ना कार्यक्रमहरुमा नेपाल कम्युनिष्ट पार्टीका संस्थापक महासचिव पुष्पलाल श्रेष्ठ, एमाले महासचिव मदन भण्डारी र प्रथम कम्युनिष्ट प्रधानमन्त्री मनमोहन अधिकारीको ठूला तस्वीर राख्ने गर्दथ्यो ।

हलभित्र ‘जनताको बहुदलीय जनवाद’ लेखिएको अर्को एक ब्यानरको बायाँतर्फको कुनामा भने पुष्पलाल, मदन भण्डारी र मनमोहन अधिकारीको तस्वीर देखिन्छ ।

महाधिवेशनस्थल सम्मेलन केन्द्र परिसरका ठाउँठाउँमा एमाले अध्यक्ष केपी शर्मा ओलीको पूर्ण कदको मस्कट राखिएको छ । बरु ओलीको मस्कटमा तस्विर खिचाउनेहरुको भीड देखियो । तर संस्थापक नेताहरुको तस्विर नराखिएको विषयमा कसैले प्रश्न उठाएका छैनन् ।

तथापि माओवादीसँगको पार्टी एकता बदर भएपछि एमाले पूर्ववत अवस्थामा फर्किएको, पाँच वर्षसम्म सरकार सन्चालनको जनमत पाए पनि तीन वर्षमै सरकार ढलेको, सरकारको नेतृत्व गर्दा दुई पटकसम्म विघटन गरेको संसद सर्वोच्च अदालतले व्युँताइदिएको र यही विवादका कारण एमाले फुटेको अवस्थामा आयोजना गरिएको विधान महाधिवेशनलाई चासोका साथ हेरिएको छ ।

यस्तै जनसंगठन, पेसागत संगठनहरूबाट चुनिएका प्रतिनिधि, भारतलगायत प्रवासका संघ–संगठनहरूबाट चुनिएका प्रतिनिधि र पार्टी केन्द्रबाट विधानबमोजिम मनोनीत सदस्य सहभागी भएका छन् ।

BK
http://ganeshbk.com.np

यो छुट्टाउनु भो कि..