ओली पक्षको बहस सकियो : सभामुखका वकिललाई प्रधानन्यायाधिशले थपिदिए समय

संसद विघटनको मुद्दामा राष्ट्रपति र प्रधानमन्त्रीको तर्फबाट बहस सकिएको छ। शुक्रबार ११ अधिवक्ताले बहस गरेसँगै उनीहरुका लागि छुट्याइएको १४ घण्टा समय सकिएको हो। महान्यायाधिवक्ता कार्यालयका ११ सरकारी वकिल र २१ जना निजी कानुन व्यवसायीले राष्ट्रपति र प्रधानमन्त्रीको तर्फबाट बहस गरेका हुन्। यसअघि निवेदकपक्षका ३६ जना कानुन व्यवसायीले बहस गरेका थिए।

रिटमा सभामुखलाई पनि विपक्षी बनाइएको भएपनि सभामुख संसद विघटनको विपक्षमा उभिएका कारण उनको तर्फबाट छुट्टै बहस हुने भएको हो। अब सभामुखको तर्फबाट बहस हुनेछ। सभामुखपछि रिट निवेदक पक्षले ३ घण्टा जवाफी बहस गर्नेछन्। त्यसपछि एमिकस क्युरीले २ घण्टामा आफ्नो राय राख्नेछन्।

योसँगै मुद्दाको फैसला आउनेछ। गत जेठ ७ गते प्रधानमन्त्रीमा दाबी गरेका शेरबहादुर देउवा र केपी ओलीलाई दाबी नपुगेको भन्दै राष्ट्रपतिले प्रधानमन्त्री नियुक्ती गर्न अस्वीकार गरेकी थिइन्। त्यसै मध्यरात संसद विघटन गरेकी थिइन्।

आफूहरुले बहुमतसहित दाबी गरेपनि प्रधानमन्त्री नियुक्त नगरिएको भन्दै शेरबहादुर देउवासहित १४६ सांसदले सर्वोच्चमा रिट दायर गरेका हुन्। उक्त रिट सुनुवाइका लागि प्रधानन्यायाधीश चोलेन्द्र शमशेर जबराको नेतृत्वमा न्यायाधीशहरु दीपककुमार कार्की, मीरा खड्का, ईश्वरप्रसाद खतिवडा र डा. आनन्दमोहन भट्टराई रहेको संवैधानिक इजलास गठन गरिएको थियो।

ओलीका कानुन व्यवसायीको बहस सकिएसँगै न्यायाधीश ईश्वर खतिवडाले एउटा कोर्स पूरा भएको बताए । ‘एउटा कोर्स पूरा भयो । अब सभामुख पक्षलाई अनि प्रत्युत्तर र त्यसपछि यमिकस (एमीकस क्युरी) ले बहस गर्ने ।’

त्यसपछि सभामुख पक्षका कानुन व्यवसायीले बहसका लागि आफूहरूलाई थप समय चाहिने माग गरे । यसअगाडि सभामुख पक्षका कानुन व्यवसायीलाई बहसका लागि साढे १ घण्टाको समय दिइएको थियो । सभामुख पक्षका अधिवक्ताले आफूहरूलाई बहसका लागि थप समय चाहिने बताएपछि प्रधानन्यायाधीश राणाले भने- ल ठीक छ २ घण्टा ।

यससँगै आजको बहस सकिएको छ । अब आइतबार पुन: इजलास बस्ने छ । रिट निवेदक तर्फबाट ३६ जना अधिवक्ताले बहस गरेका थिए । प्रधानमन्त्री केपी ओली र राष्ट्रपति विद्यादेवी भण्डारीको कदमको बचाउ अर्थात् रिटको विपक्षमा ११ जना सरकारी र २१ जना निजी अधिवक्ताले बहस गरे ।

अब सभामुखका पाँच जना अधिवक्ताले २ घण्टा बहस गर्नेछन् भने एमिकस क्युरीका ४ जनालाई बहसका लागि २ घण्टाको समय दिइएको छ । त्यसपछि जवाफी बहसका लागि रिट निवेदक पक्षलाई ३ घण्टाको समय तोकिएको छ ।

Golu
http://kantipath.com

यो छुट्टाउनु भो कि..