डा. महेश मास्केको सरकारलाई ५ बुँदे सुझाव

स्वास्थ्य तथा जनसंख्या मन्त्रालयले कोभिड–१९ (कोरोनाभाइरस)का बिरामीलाई बेड उपलब्ध गराउन नसक्ने भन्दै हात उठाइरहेका बेला बरिष्ठ जनस्वास्थ्यविद् डा. महेश मास्केले सरकारलाई विभिन्न पाँच बुँदामा सुझाव दिएका छन् ।

डा. मास्केले काठमाडौं उपत्यकालगायत देशका धेरै वटा मेडिकल कलेज र निजी अस्पतालहरुलाई दुई महिनाका लागि कोभिड डेडिकेटेड अस्पतालमा परिवर्तन गर्न सरकारलाई सुझाएका छन् ।

डा. मास्केका ५ सुझाव उनकै शब्दमा–

१. धेरैभन्दा धेरै मेडिकल कलेजहरू र निजी अस्पतालहरूलाई कोभिड डेडिकेटेड अस्पतालमा रुपान्तरण गरौँ । अस्थायी रूपमा दुई महिनाका लागि यसो गर्न सकिन्छ, ताकि यस संकटको घडीमा पर्याप्त अक्सिजन सपोर्टसहितका बेडहरुको व्यवस्थापन गर्न सकियोस् । यसो गर्दा बिरामीहरुले अस्पतालमा भर्ना नपाएर अक्सिजन एवं डेक्सामेथासन जस्ता साधारण औषधिको अभावमा उनीहरुको स्वास्थ्य अवस्था जटिल पनि हुँदैन र धेरै आइसियु बेडको आवश्यकता पर्दैन ।

२. स्थानीय तहमा वडाका पदाधिकारीहरूलाई यातायात सुविधासम्पन्न बनाई नजिकैका कोभिड अस्पतालमा सहजै पहुँचको व्यवस्था मिलाउँ । यसो गर्दा अस्पतालमा पु-याउनुपर्नेखालका बिरामीहरुलाई वडाहरुले समयमै सेवा दिन सक्छन् ।

३. प्रत्येक वडामा होम आइसोलेसन र संस्थागत आइसोलेसन पर्याप्त संख्यामा स्थापना गरी चिकित्सक एवं सम्बन्धित निकायको प्रत्यक्ष एवं फोन कलको माध्यमबाट निरन्तर सुपरिवेक्षण गरिनुपर्छ ।

४. नेपाल प्रवेश गर्ने सबै मानिसलाई १४ दिनसम्म क्वारेन्टिनमा राखेर कोरोनाको कुनै लक्षण देखिएमा परीक्षण गरिनुपर्छ ।

५. कोरोनाको बेलायत एवं भारतीय भेरियन्टलाई परास्त गर्न तदारुकताका साथ परीक्षण र कन्ट्याक्ट ट्रेसिङ गरिनुपर्छ ।

BK
http://ganeshbk.com.np

यो छुट्टाउनु भो कि..