खड्ग प्रसादले बोलाए मन्त्रिपरिषद बैठक

प्रधानमन्त्री खड्ग प्रसाद ओलीले मन्त्रिपरिषदको बैठक बोलाएका छन् ।

साँझ ६ बजे प्रधानमन्त्रीको सरकारी निवास बालुवाटारमा बस्ने बैठकले रिक्त रहेका ४ सचिवको नियुक्ति गर्नेछ । सचिव रिक्त रहेका स्थानमा पदपूर्तिका लागि लोकसेवा आयोगले सहसचिव बढुवाको सिफारिस गरेको छ ।

आयोगले प्रशासन समूहबाट सहसचिवहरू गणेश पाण्डे, मधुसूदन बुर्लाकोटी र कृष्णहरि पुष्करलाई सिफारिस गरेको छ । उनीहरुमध्ये एकजना सचिव नियुक्त हुनेछन् ।

यस्तै कृषि तथा वन समूहबाट सहसचिव कृष्णप्रसाद आचार्य, निरु दाहाल र दिपक खराल सिफारिस भएका छन् । इन्जिनियरिङ सेवाबाट प्रमिला बज्राचार्य, सुशीलचन्द तिवारी र गोपालप्रसाद सिग्देल सिफारिस भएका छन् । सो समूहबाट एक–एक जना सचिव बन्नेछन् ।

यता प्रशासन सेवाबाट एक जनामात्र सहसचिव डा।दामोदर रेग्मी सिफारिस भएकाले उनी सचिव बन्ने पक्का भएको छ ।

BK
http://ganeshbk.com.np

यो छुट्टाउनु भो कि..