सिंहदरबारमा नेकपाको सचिवालय बैठक जारी

1594888859Dahal Nepal e1604581239230

1594888859Dahal Nepal e1604581239230

नेकपा प्रचण्ड-माधव समूहको सचिवालय बैठक सिंहदरबारमा बसिरहेको छ । संसदीय दलको कार्यालयमा केहीबेर अगाडि बैठक शुरु भएको हो । संसद् बैठकको मिति नजिकिदै गएका बेला कसरी अगाडि बढ्ने भन्नेबारे सचिवालयका नेताहरु छलफलमा जुटेको जनाइएको छ ।

अविश्वासको प्रस्तावमाथि साथ दिन अध्यक्षद्वय पुष्पकमल दाहाल प्रचण्ड र माधवकुमार नेपालले विपक्षी दलहरु नेपाली काँग्रेस र जनता समाजवादी पार्टी (जसपा) सँग आग्रह गरेका छन् । तर, विपक्षी नेताहरुले भने नेकपा विभाजित भएको प्रष्ट नभएसम्म निर्णय नलिने बताएका छन् । यस्तो अवस्थामा कसरी अगाडि बढ्ने भन्नेबारे सचिवालय बैठक बसेको एक नेताले बताए ।

सर्वोच्च अदालतले गएको ११ फागुनमा संसद् पुनस्र्थापना गरेर १३ दिनभित्र बैठक बोलाउन आदेश दिएपछि सरकारले २३ फागुनमा बैठक बोलाएको छ । यसबाहेक निर्वाचन आयोगले पार्टी वैधानिकता विवाद नटुंग्याएको विषयमा पनि छलफल हुने भएको छ ।

यसअघि पार्टीको केन्द्रीय कार्यालय (पेरिसडाँडा) मा बस्ने गरेको सचिवालय बैठक पार्टी विभाजनपछि पहिलोपटक संसदीय दलको कार्यालयमा बसेको हो। संसद् पुनर्स्थापनापछि नयाँ सरकार गठनको प्रयासमा रहेको प्रचण्ड–नेपाल पक्षले केही दिनयता बाह्य तथा आन्तरिक छलफललाई तीव्र पारेको छ।

 

Kantipath Media

यो छुट्टाउनु भो कि..