प्रदेश २ मा ३ दलिय गठबन्धन : भरत साह र रामसरोज यादव मन्त्री बन्दै

प्रदेश २ मा कांग्रेसले तीन र माओवादी केन्द्रले दुई मन्त्रालयले लिएर सरकारमा जाने भएका छन्। बुधबार दिउँसो जनता समाजवादी पार्टी नेपाल (उपेन्द्र यादव पक्ष), नेपाली कांग्रेस र माओवादी केन्द्रबीच मन्त्रालयको बाँडफाँटको टुंगो लाग्ने बताइएको छ।

कांग्रेस र माओवादीले पाउने मन्त्रालयको टुंगिएपछि आज नै शपथ लिने सम्भावना रहेको बताइएको छ। जसपाका मुख्यमन्त्री लालबाबु राउतले महन्थ ठाकुर पक्षका एक मन्त्री र तीन राज्यमन्त्रीलाई सरकारबाट बर्खास्त गरेपछि नयाँ सत्ता समीकरण बनेको हो। केन्द्रमा बनेको विपक्षी गठबन्धनले प्रदेश २ मा संयुक्त सरकार गठन गर्न लागेका छन्।

सत्ता सहकार्यका तीन दल सहमत भएपछि प्रदेश २ मा १० मन्त्रालय हुने भएका छन्। ५० प्रतिशत अर्थात् ५ वटा मन्त्रालयले आफूसँग राखेर मुख्यमन्त्री लालबाबु राउतले तीन मन्त्रालय कांग्रेस र दुई मन्त्रालय माओवादीलाई दिन लागेका हुन्।

मन्त्रालयको संख्या र कसले कुन दलले कतिवटा प्राप्त गर्ने विषय टुंगिएको माओवादीका सांसद भरत साहले जानकारी दिए। साहको नेतृत्वमा माओवादी सरकारमा सहभागी हुने बताइएको छ। कांग्रेस सांसद शंकरप्रसाद चौधरीले सबै जिम्मेवारी संसदीय दलका नेता रामसरोज यादवलाई दिएको बताए। कांग्रेस संसदीय दलका नेता यादवको नेतृत्वमा सरकारमा जाने भएको छ।

 

Golu
http://kantipath.com

यो छुट्टाउनु भो कि..