कसले टाँस्यो उपप्रधानमन्त्री राजेन्द्र महतोलाई सिंहदरबारको गेटमा प्रवेश निषेधको सूचना ?

नयाँ पार्टी नेपालले उपप्रधानमन्त्री राजेन्द्र महतोलाई सिंहदरबार प्रवेशमा रोक लगाउनुपर्ने दाबी गर्दै सिंहदरबारको गेटमै सूचना टाँसेको छ। महतोलाई भारतीय भएको आरोप लगाउँदै नयाँ पार्टीले ७ दिनभित्रमा नेपाली हुँ भन्ने प्रमाण सार्वजनिक गर्नुपर्ने दाबी गरेको छ। नयाँ पार्टी नेपालले राजेन्द्र महतोलाई नागरिकता सार्वजनिक गर्न भन्दै विज्ञप्ति समेत निकालेको थियो ।

महतोले नेपाली भएको भनी प्रष्ट नपारेको भन्दै सिंहदरबार प्रवेशमा रोक लगाएको उक्त पार्टीको विज्ञप्तिमा उल्लेख छ। राजेन्द्र महतोले उपप्रधानमन्त्रीमा पदभार ग्रहण गरेलगतै नेपाललाई बहुराष्ट्रिय राज्य बनाउने अभिव्यक्ति दिएपछि त्यसको चौतर्फी विरोध भएको थियो।

त्यसपछि नयाँ पार्टी नेपालले पनि उनीविरुद्ध विरोध चर्काएको हो। सहरी विकास मन्त्रालयमा पुगेर मन्त्री महतोको नेमप्लेट नै निकाल्ने योजना बनाएका उनीहरुलाई प्रहरीले प्रवेशमा रोक लगाएपछि गेटमा सूचना टाँसेर हिडेका थिए।

Golu
http://kantipath.com

यो छुट्टाउनु भो कि..