चेल्सीको लज्जास्पद हार, आर्सनलमाथि लिभरपुलको गोल वर्षा

TQXGBZUTPBAWHJ2VTEQUN2322A

TQXGBZUTPBAWHJ2VTEQUN2322A

शनिबार भएको खेलमा चौथो स्थानमा रहेको चेल्सी वेस्ट ब्रोमिच आल्बियोनसँग आफ्नै घरेलु मैदानमा २–५ गोलले स्तब्ध बन्यो । खेलको २७ औँ मिनेटमा क्रिस्टिन पुलिसिचको गोलको मद्दतले अग्रता लिएको चेल्सीले दुई मिनेट पछि दोस्रो पहेँलो कार्ड खाएका थियागो सिल्भालाई गुमायो । त्यसपछि भने वेस्ट ब्रोमले चेल्सीमाथि गोलको वर्षा गर्यो ।

माथेयस परेराले पहिलो हाफको इन्जुरी समयमा दुई गोल गर्दै वेस्ट ब्रोमलाई अग्रता दिलाए । क्यालम रोबिनसनले खेलको ६३ औँ मिनेटमा गोल गर्दै टोलीको अग्रता फराकिलो बनाए । मबाय डियाग्नेले खेलको ६८ औँ मिनेटमा गोल गर्दै स्थिति ४–१ मा पुर्याए । मेसन माउन्टले ७१ औँ मिनेटमा गोल गर्दै चेल्सीलाई खेलमा फर्काउने प्रयास गरे पनि रोबिनसनले इन्जुरी समयमा गोल गर्दै वेस्ट ब्रोमको जीत सुनिश्चित गरे ।

आर्सनललाई उसैको घरेलु मैदानमा हराउँदे लिभरपुलले प्रिमियर लिगको शीर्ष चारमा रहने सम्भावना कायम राखेको छ । आर्सनललाई ३–० ले हराउँदै लिभरपुल चौथो स्थानमा रहेको चेल्सीभन्दा मात्र २ अंकले पछि रहेको छ ।

खेलमा आर्सलनमाथि पुरै दबाब बनाएको लिभरपुलले पहिलो गोलका लागि भने ६४ औँ मिनेटसम्म पर्खनु परेको थियो । डिएगो जोटाले गोल गर्दै लिभरपुललाई अग्रता दिलाए भने मोहमद शलाहले चार मिनेटपछि अग्रता दोब्बर बनाए । जोटाले ८२ औँ मिनेटमा अर्को गोल गर्दै लिभरपुलको जीत सुनिश्चित गरे । ३० खेलपछि पाँचौ स्थानमा रहेको लिभरपुलको ४९ अंक रहेको छ भने आर्सनल ३५ अंकसहित नवौँ स्थानमा सिमित छ ।

 

Kantipath Media

यो छुट्टाउनु भो कि..