अनुभूति : मीठो र पवित्र शब्द ‘आमा’
‘आमा’ शब्द नै कति मीठो र पवित्र लाग्छ । तर मेरो जीवनमा यो शब्द एउटा तीतो सत्य बनेर आयो । बाल्यकालदेखि नै आमाको काखको न्यानो स्पर्श र ममताको अभावले मेरो जीवनलाई अँध्यारो बनायो । अरू साथीहरू आमाको हात समातेर स्कुल जाँदा म एक्लै टोलाइरहेको हुन्थेँ । अरू साथीहरू आमाको काखमा बसेर कथा सुन्दा, म एक्लै कोठाको कुनामा बसेर आँसु झारिरहेको हुन्थेँ ।
आमा नहुँदाको पीडा शब्दमा व्यक्त गर्न गाह्रो छ । हरेक पाइलामा, हरेक मोडमा आमाको अभाव खड्किन्थ्यो । बिरामी हुँदा स्याहार गर्ने कोही थिएन, खुसी हुँदा अँगालो हाल्ने कोही थिएन र दुःख हुँदा साथ दिने कोही थिएन ।
म एक्लै लडिरहेँ, एक्लै उठिरहेँ,...