आन्तरिक राजस्व कार्यालय भद्रपुरले उठायो ३ अर्ब राजस्व
काठमाडाैं । आन्तरिक राजस्व कार्यालय भद्रपुरले आर्थिक वर्ष २०८०–८१ मा रु. तीन अर्ब २१ करोड १२ लाख ६७ हजार राजस्व सङ्कलन गरेको छ ।
कार्यालयले गत असारमा मात्र रु. ३० करोड ७१ लाख ९ हजार राजस्व सङ्कलन गरेको हो ।
कार्यालयले आव २०७९–८० को तुलनामा रु. १९ करोड ५२ लाख ९१ हजार बढी राजस्व सङ्कलन गरेको छ । गत आवमा रु. तीन अर्ब एक करोड ५९ लाख ७६ हजार राजस्व सङ्कलन भएको आन्तरिक राजस्व कार्यालय भद्रपुरका सूचना अधिकारी भीमप्रसाद आचार्यले बताए ।
गत आवमा कार्यालयको रु. तीन अर्ब ७९ करोड ७१ लाख राजस्व उठाउने लक्ष्य थियो । तर ८४ दशमलव ५७ प्रतिशतमात्र राजस्व सङ्कलन गर्न सकिएको छ ।
“देशभर व्यापार–व्यवसायमा...